ബെംഗളൂരു: കോവിഡിന്റെ ദക്ഷിണാഫ്രിക്കന്‍ വകഭേദം കര്‍ണാടകയില്‍ റിപ്പോര്‍ട് ചെയ്‌തു. സംസ്‌ഥാന ആരോഗ്യ വകുപ്പാണ് ഇക്കാര്യം അറിയിച്ചത്. അതേസമയം ഇത് സംബന്ധിച്ച്‌ കൂടുതല്‍ വിവരങ്ങള്‍ അധികൃതർ പുറത്തുവിട്ടിട്ടില്ല.
സംസ്‌ഥാനത്ത് ഇതുവരെ 29 പേര്‍ക്ക് ബ്രിട്ടീഷ് വകഭേദം സ്‌ഥിരീകരിച്ചിട്ടുണ്ട്. നിലവിൽ 7,456 ആളുകളാണ് കർണാടകയിൽ കോവിഡ് ബാധിച്ചു ചികിൽസയിൽ കഴിയുന്നത്. മാര്‍ച്ച്‌ 10 വൈകീട്ട് വരെയുള്ള കണക്കുകള്‍ പ്രകാരം 9,56,801 പേര്‍ക്കാണ് സംസ്‌ഥാനത്ത് കോവിഡ് സ്‌ഥിരീകരിച്ചത്. 12,379 പേർക്ക് വൈറസ് ബാധ മൂലം ജീവൻ നഷ്‌ടമായപ്പോൾ 9,36,947 പേര്‍ രോഗമുക്‌തി നേടുകയും ചെയ്‌തു.
അതേസമയം ഇന്ത്യയില്‍ 1,89,226 പേരാണ് നിലവിൽ ചികിൽസയിലുള്ളത്. 24 മണിക്കൂറിനിടെ 22,854 പേർക്കാണ് രാജ്യത്ത് കോവിഡ് റിപ്പോർട് ചെയ്‌തത്‌. ഇതോടെ ആകെ രോഗബാധിതരുടെ എണ്ണം 11,285,561 ആയി ഉയർന്നു.
Read Also: വാക്‌സിൻ വിതരണം; മൂന്നാം ഘട്ടത്തിൽ 50 വയസിന് മുകളിലുള്ളവർക്ക് ലഭ്യമാകും
