വയനാട്: കോവിഡനന്തര ചികിൽസക്കായി അഞ്ചുകുന്നിലെ ജില്ലാ ഹോമിയോ ആശുപത്രിയിൽ പ്രത്യേക ഒപി ആരംഭിച്ചു. കോവിഡ് ഭേദമായവരുടെ തുടർ ചികിൽസക്കായാണ് പ്രത്യേക സൗകര്യം സജ്ജമാക്കിയത്. എല്ലാ ദിവസവും രാവിലെ ഒൻപത് മണി മുതൽ ഉച്ചയ്ക്ക് രണ്ടുമണി വരെയാണ് ഒപിയുടെ പ്രവർത്തന സമയം.
ജില്ലയിലെ മറ്റ് സർക്കാർ ഹോമിയോ ഡിസ്പൻസറികളിലും ചൊവ്വ, വ്യാഴം ദിവസങ്ങളിൽ ഈ സൗകര്യം ലഭ്യമാവുമെന്ന് അധികൃതർ അറിയിച്ചു. ഉച്ചയ്ക്ക് 12 മുതൽ രണ്ടുവരെയാണ് സേവനം ലഭിക്കുക.
ജില്ലാതല പരിപാടി ജില്ലാ പഞ്ചായത്ത് പ്രസിഡണ്ട് സംഷാദ് മരക്കാർ ഉൽഘാടനം ചെയ്തു. ജില്ലാപഞ്ചായത്ത് സ്ഥിരംസമിതി അധ്യക്ഷൻ എം മുഹമ്മദ് ബഷീർ അധ്യക്ഷത വഹിച്ച ചടങ്ങിൽ ജില്ലാ പഞ്ചായത്തംഗം ബിന്ദു പ്രകാശ്, ഹോമിയോ ഡിഎംഒ ഡോ. കെ ഹരിലാൽ, ഡിപിഎം ഡോ. അനീന ത്യാഗരാജൻ, ആർ ജയന്തി തുടങ്ങിയവർ പങ്കെടുത്തു.
Read Also: മലയോര ഹൈവേ; കോടഞ്ചേരിയിൽ ടാറിംഗ് തുടങ്ങി