ചെന്നൈ: തമിഴ്നാട് സ്വദേശികളായ മൽസ്യ തൊഴിലാളികൾക്ക് നേരെ ശ്രീലങ്കൻ നാവികസേന വെടിയുതിർത്തു. നാഗപട്ടണത്തു നിന്നും മീൻപിടുത്തത്തിന് പോയവർക്ക് നേരെയാണ് വെടിയുതിർത്തത്. ഇന്ന് പുലർച്ചെ ഒന്നരക്കാണ് സംഭവം. നാഗപട്ടണം സ്വദേശി കലൈശെൽവനാണ് പരിക്കേറ്റത്. അന്താരാഷ്ട്ര കപ്പല്ച്ചാലിന് സമീപം മീന് പിടിക്കുകയായിരുന്ന മൽസ്യ തൊഴിലാളികൾക്ക് നേരെ ശ്രീലങ്കന് സേന വെടിവെക്കുകയായിരുന്നു.
പ്രകോപനമില്ലാതെ വെടിവെക്കുകയായിരുന്നു എന്ന് മൽസ്യ തൊഴിലാളികള് പറഞ്ഞു. ആദ്യം കല്ലെറിയുകയും പിന്നീട് വെടിവെക്കുകയും ചെയ്തു എന്നാണ് തൊഴിലാളികള് പറയുന്നത്. കൊടൈക്കര തീരത്തിലാണ് സംഭവം നടന്നത്. പത്തംഗ സംഘം സഞ്ചരിച്ച ബോട്ടിന് നേരെയാണ് ആക്രമണം നടന്നത്.
Most Read: പ്ളസ് വൺ പ്രവേശനം; കുട്ടികൾ കുറവായതിനാൽ സീറ്റ് വർധന ആവശ്യമില്ലെന്ന് വിദ്യാഭ്യാസ മന്ത്രി