മയ്യില്‍: ചമയം വസ്‍ത്രാലയം ഉടമ പിപി ഹംസകുട്ടിയുടെ മകന്‍ ഹിഷാം മുങ്ങി മരിച്ചു. ഇരിവാപ്പുഴ നമ്പ്രത്ത് പുഴയില്‍ കുളിക്കാനിറങ്ങിയപ്പോഴാണ് വിദ്യാര്‍ഥിയായ ഹിഷാം(18) മുങ്ങിമരിച്ചത്. പ്ളസ് ടു കഴിഞ്ഞ ഹിഷാം നീറ്റ് പരീക്ഷക്കായി തയാറെടുക്കുകയായിരുന്നു.
ഇന്നലെ വൈകിട്ട് 5.45ഓടെ മുനമ്പ് പാലത്തിന് സമീപമാണ് അപകടം. വീട്ടുകാരുള്‍പ്പടെ ആറോളം പേരോടൊപ്പം കുളിക്കാൻ ഇറങ്ങിയതായിരുന്നു നിഷാം. ഇതിനിടെ നീന്തലറിയാത്ത ഹിഷാം ഒഴുക്കില്‍പെട്ടു. കൂടെയുള്ളവര്‍ രക്ഷിക്കാന്‍ ശ്രമിച്ചെങ്കിലും കഴിഞ്ഞില്ല. നാട്ടുകാര്‍ നടത്തിയ തിരച്ചലില്‍ ഹിഷാമിനെ കണ്ടെത്തി മയ്യിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
പരിയാരം മെഡിക്കല്‍ കോളേജിലേക്ക് മാറ്റിയ മൃതദേഹം പോസ്‌റ്റ്‌മോര്‍ട്ടത്തിന് ശേഷം ഇന്ന് ഇരിവാപ്പുഴ നമ്പ്രം ഖബര്‍സ്‌ഥാനില്‍ സംസ്‌കരിക്കും. അമ്മ: മറിയ. സഹോദരങ്ങള്‍: ഹിബ ഫാത്തിമ, ഹന ഫാത്തിമ.
Malabar News: മലപ്പുറത്ത് തെരുവുനായ ആക്രമണം; അഞ്ച് പേര്‍ക്ക് പരുക്ക്
