കോഴിക്കോട്: സംസ്ഥാനത്ത് നാളെ മുതൽ ലോക്ക്ഡൗൺ ആരംഭിക്കുന്ന പശ്ചാത്തലത്തിൽ ഭക്ഷണ വിതരണ പദ്ധതിയുമായി സ്റ്റുഡന്റ് പോലീസ്. നഗരത്തിൽ ആർക്കും ഭക്ഷണമില്ലാത്ത അവസ്ഥ ഉണ്ടാകരുതെന്ന ആശയം മുൻനിർത്തി ‘ഒരു വയറൂട്ടാം‘ എന്ന പദ്ധതിയുമായാണ് സ്റ്റുഡന്റ് പോലീസ് മുന്നോട്ട് വന്നിരിക്കുന്നത്. പദ്ധതിയുടെ ഭാഗമായി ദിവസവും 500 ഭക്ഷണ പൊതികൾ ഇവർ തയ്യാറാക്കും.
ജില്ലയിലെ 30 സ്കൂളുകളിലെ സ്റ്റുഡന്റ് പോലീസാണ് കേരളാ പോലീസിന്റെ സഹായത്തോടെ പദ്ധതിക്ക് ആവശ്യമായ പണം കണ്ടെത്തിയത്. വരുന്ന മുപ്പത് ദിവസം ഇവർ ഭക്ഷണം വിതരണം ചെയ്യും.
ഓരോ പൊതിയിലും ചോറ്, സാമ്പാറ്, ഉപ്പേരി, ചമ്മന്തി എന്നിവയാണ് ഉണ്ടാവുക. നടക്കാവ് ഗേൾസ് സ്കൂളിൽ വെച്ചാണ് ഭക്ഷണം തയാറാക്കി പാക്ക് ചെയ്യുന്നത്. സിറ്റി പോലീസ് കമ്മീഷണർ എവി ജോർജ് പദ്ധതി ഉൽഘാടനം ചെയ്തു.
Read Also: കോവിഡ് പ്രതിരോധത്തിന് 2 കോടി നൽകി അനുഷ്കയും കോഹ്ലിയും