ന്യൂഡെൽഹി : സെൻട്രൽ വിസ്ത പദ്ധതിയുടെ നിർമാണ പ്രവർത്തനങ്ങൾ നിർത്തി വെക്കണമെന്ന് ആവശ്യപ്പെട്ട് സമർപ്പിച്ച ഹരജി സുപ്രീം കോടതി തള്ളി. രാജ്യത്ത് കോവിഡ് രണ്ടാം തരംഗം രൂക്ഷമാകുന്ന സാഹചര്യത്തിൽ സെൻട്രൽ വിസ്തയുടെ നിർമാണം നിർത്തി വെക്കണമെന്നാണ് ഹരജിയിൽ ആവശ്യപ്പെട്ടിരുന്നത്. എന്നാൽ ഹരജി തള്ളിയ സുപ്രീം കോടതി ഒരു പദ്ധതി മാത്രം തിരഞ്ഞെടുത്താണ് ഹരജിക്കാരൻ കോടതിയെ സമീപിച്ചിരിക്കുന്നതെന്ന് ചൂണ്ടിക്കാട്ടി.
ഇതേ ആവശ്യം ഉന്നയിച്ചുകൊണ്ട് ഡെൽഹി ഹൈക്കോടതിയിൽ സമർപ്പിച്ച ഹരജിയും നേരത്തെ തള്ളിയിരുന്നു. അതിന് പിന്നാലെയാണ് സുപ്രീം കോടതിയെ സമീപിച്ചത്. അതേസമയം കോവിഡ് മാനദണ്ഡങ്ങൾ പൂർണമായും പാലിച്ചുകൊണ്ടാണ് നിർമാണ പ്രവർത്തനങ്ങൾ നടത്തുന്നതെന്ന് സർക്കാരും നിർമാണ കമ്പനിയും വ്യക്തമാക്കി. അതിനാൽ തന്നെ സെൻട്രൽ വിസ്തയുടെ നിർമാണത്തിൽ ഇടപെടുന്നില്ലെന്നാണ് ഹരജി പരിഗണിച്ച സുപ്രീം കോടതി വ്യക്തമാക്കിയത്.
Read also : വാക്സിൻ എടുക്കാത്തയാൾക്ക് സർട്ടിഫിക്കറ്റ് നൽകി; പരാതി