കൊൽക്കത്ത: ബംഗാളില് ബിജെപി യെ തടയുന്നത് തൃണമൂല് കോണ്ഗ്രസ് അല്ലെന്ന് സിപിഎം സംസ്ഥാന സെക്രട്ടറി സൂര്യകാന്ത മിശ്ര. ഇടത് മുന്നണി നേതൃത്വം നല്കുന്ന സംയുക്ത മോര്ച്ച മാത്രമാണ് ബിജെപിയെ തടയുന്നതെന്നും സൂര്യകാന്ത മിശ്ര അവകാശപ്പെട്ടു. തിരഞ്ഞെടുപ്പിന് മുൻപ് തൃണമൂലിൽ നിന്നും പ്രവർത്തകർ കൂട്ടത്തോടെ ബിജെപിയിലേക്ക് പോയെന്നും അത് ഇനിയും തുടരുമെന്നും മിശ്ര ചൂണ്ടിക്കാട്ടി.
തൃണമൂലിന് ഭൂരിപക്ഷം കിട്ടിയാലും എംഎല്എമാര് ബിജെപിയിലേക്ക് കാലുമാറുമെന്ന് മുഖ്യമന്ത്രി മമത ബാനര്ജി തന്നെ വ്യക്തമാക്കിയതാണ്. സംസ്ഥാനത്ത് വര്ഗീയ വിപത്ത് ഒഴിവാക്കി മതേതര ജനാധിപത്യം സംരക്ഷിക്കാന് സംയുക്ത മോര്ച്ചക്കേ കഴിയൂ, മിശ്ര ഇടത് മുന്നണി റാലിയില് അവകാശപ്പെട്ടു.
Read Also: മുസ്ലിം പള്ളിക്ക് മുന്നില് വോട്ടുപിടിച്ചു; ഖുശ്ബുവിനെതിരെ കേസ്