ന്യൂഡല്‍ഹി: ബോളിവുഡ് നടന്‍ സുശാന്ത് സിംഗ് രജ്പുതിന്റെ മരണം സംബന്ധിച്ച ഓള്‍ ഇന്ത്യ മെഡിക്കല്‍ സയന്‍സിന്റെ അന്തിമ റിപ്പോര്‍ട്ട് അടുത്തയാഴ്‌ച സമര്‍പ്പിക്കും. സുശാന്തിന്റെ പോസ്‌ററ്‌മോര്‍ട്ടം റിപ്പോര്‍ട്ടിന്മേല്‍ സി ബി ഐ ഐയിംസിന്റെ ഫോറന്‍സിക് വിഭാഗത്തോട് വിവരങ്ങള്‍ അന്വേഷിച്ചിരുന്നു.
‘മെഡിക്കല്‍ ബോര്‍ഡിന്റെ റിപ്പോര്‍ട്ട് അടുത്ത ആഴ്‌ചതന്നെ സി ബി ഐ ക്ക് കൈമാറും. ഇതുകൊണ്ട് എല്ലാ ആശയക്കുഴപ്പങ്ങളും മാറും എന്ന് കരുതുന്നു’ -എയിംസിലെ ഫോറന്‍സിക് വിഭാഗം മേധാവി ഡോ. സുധീര്‍ ഗുപ്ത പറഞ്ഞു. എന്നാല്‍ റിപ്പോര്‍ട്ട് ഇപ്പോള്‍ പുറത്തു വിടാനുള്ള സാധ്യതയില്ല.
മുംബൈയില്‍ ഒരു മാസത്തെ അന്വേഷണത്തിന് ശേഷം സിബിഐയുടെ പ്രത്യേക അന്വേഷണ സംഘം ബുധനാഴ്ച ദില്ലിയിലേക്ക് മടങ്ങി. കഴിഞ്ഞ ജൂണ്‍ 14 നാണ് സുശാന്ത് സിംഗ് രജ്പുതിനെ മുംബൈയിലെ വീട്ടില്‍ മരിച്ച നിലയില്‍ കണ്ടെത്തിയത്.
Read also: മോദിക്ക് പിറന്നാള്‍ ആശംസകള്‍ നേര്‍ന്ന് റഷ്യന്‍ പ്രസിഡന്റ്
