ചെന്നൈ: കോവിഡ് വ്യാപന പശ്‌ചാത്തലത്തിൽ പുതിയ സർക്കാരിന്റെ സത്യപ്രതിജ്‌ഞാ ചടങ്ങ് ആഘോഷങ്ങളില്ലാതെ ലളിതമായി നടത്തുമെന്ന് ഡിഎംകെ പ്രസിഡണ്ട് എംകെ സ്‌റ്റാലിൻ. ചെന്നൈയിലെ മറീന ബീച്ചിൽ പിതാവും പാർട്ടി തലവനുമായ എം കരുണാനിധിയുടെ ശവകുടീരത്തിൽ പുഷ്‌പാർച്ചന നടത്തിയ ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
സത്യപ്രതിജ്‌ഞാ ചടങ്ങിന്റെ തീയതിയും സമയവും തിങ്കളാഴ്‌ചയോ ചൊവ്വാഴ്‌ചയോ പ്രഖ്യാപിക്കുമെന്നും അദ്ദേഹം പറഞ്ഞു. മെയ് 7ന് ചടങ്ങ് നടത്തുമെന്നാണ് പുറത്തുവരുന്ന വിവരം. തിരഞ്ഞെടുപ്പിൽ ഡിഎംകെക്ക് വേണ്ടി പ്രവർത്തിച്ച എല്ലാ പ്രവർത്തകർക്കും സ്‌റ്റാലിൻ നന്ദി രേഖപ്പെടുത്തുകയും ചെയ്‌തു. 149 സീറ്റുകൾ നേടിയാണ് ഡിഎംകെ തമിഴ്‌നാട്ടിൽ അധികാരം പിടിച്ചെടുത്തത്.
Read also: പ്രതിപക്ഷ സ്‌ഥാനത്തേക്ക്‌ ചെന്നിത്തലയില്ല; പകരം വിഡി സതീശന് സാധ്യത
