ന്യൂഡെല്‍ഹി: കേന്ദ്ര സര്‍ക്കാരിനെതിരെ രൂക്ഷ വിമര്‍ശനവുമായി കോണ്‍ഗ്രസ് നേതാവ് രാഹുല്‍ ഗാന്ധി. കോവിഡ് പ്രതിരോധത്തിലും ആസ്‌തി വില്‍പനയുമായി ബന്ധപ്പെട്ടുമാണ് രാഹുലിന്റെ വിമർശനം.
കോവിഡ് രോഗികളുടെ എണ്ണം വര്‍ധിക്കുന്ന സാഹചര്യത്തിൽ വാക്‌സിനേഷന്‍ വര്‍ധിപ്പിക്കേണ്ട സമയമാണിത്. എന്നാല്‍, നിങ്ങള്‍ തന്നെ ജാഗ്രത പാലിക്കൂ. കേന്ദ്രസര്‍ക്കാര്‍ ഇപ്പോള്‍ വിറ്റഴിക്കലിന്റെ തിരക്കിലാണെന്ന് രാഹുല്‍ ഗാന്ധി ട്വിറ്ററില്‍ കുറിച്ചു.
കോവിഡ് പ്രതിരോധത്തിൽ വാക്‌സിന്‍ ക്ഷാമം ഉള്‍പ്പടെ കേന്ദ്രസര്‍ക്കാറിന്റെ പാളിച്ചകള്‍ രാഹുല്‍ ഗാന്ധി ചൂണ്ടിക്കാട്ടിയിരുന്നു. കൂടാതെ കേന്ദ്ര സര്‍ക്കാരിന് താല്‍പര്യമുള്ള വ്യവസായികള്‍ക്കായി രാജ്യത്തിന്റെ സ്വത്തുക്കള്‍ വീതിച്ചു നല്‍കുകയാണെന്നും രാഹുൽ വിമർശിച്ചു.
Read also: ദളിത് എഴുത്തുകാരുടെ രചനകള്‍ നീക്കം ചെയ്‌ത് ഡെല്‍ഹി സര്‍വകലാശാല
