ശ്രീനഗർ: അഫ്ഗാനിലെ താലിബാന്‍ ഭരണത്തെ കുറിച്ചുള്ള ചര്‍ച്ചകള്‍ മതിയാക്കി ഇന്ത്യയിലെ കർഷകരെക്കുറിച്ചും അവരുടെ പ്രശ്‌നങ്ങളെ കുറിച്ചും ചര്‍ച്ച ചെയ്യാമെന്ന് പിഡിപി അധ്യക്ഷ മെഹ്‌ബൂബ മുഫ്‌തി. രാജ്യത്തെ ജനങ്ങളുടെ ജീവിതം ബിജെപി സർക്കാർ ദുരിതത്തിലാക്കിയെന്നും മുഫ്‌തി ആരോപിച്ചു.
”താലിബാന്‍ അഫ്ഗാനിലല്ലേ. നമുക്ക് ഒരുപാട് പ്രശ്‌നങ്ങളുണ്ട്. കര്‍ഷകരുടെ പ്രതിഷേധങ്ങളും കശ്‌മീർ വിഭജനവും അഴിമതിയും വികസനമില്ലായ്‌മയുമാണ് നമ്മുടെ പ്രശ്‌നം. ആര്‍ട്ടിക്കിള്‍ 370 ഒഴിവാക്കിയതിലൂടെ ഞങ്ങളുടെ ഖനികളും തൊഴിലുകളും പുറത്തുള്ളവര്‍ കൊണ്ടുപോകുകയാണ്”- മെഹ്‌ബൂബ മുഫ്‌തി പറഞ്ഞു. ഈ രാജ്യത്തെ ജനങ്ങളെ റേഷന്‍ വാങ്ങാന്‍ പോലും കഴിവില്ലാത്തവരാക്കി ബിജെപി മാറ്റിയെന്നും മുഫ്‌തി ആരോപിച്ചു.
Read also: മഴക്കെടുതി; ഉത്തരേന്ത്യയിലെ വിവിധ പ്രദേശങ്ങൾ വെള്ളത്തിനടിയിൽ
