ഡെൽഹി: മഴക്കെടുതി ഒഴിയാതെ ഉത്തരേന്ത്യൻ സംസ്‌ഥാനങ്ങൾ. ചത്തീസ്‌ഗഡ്, മധ്യപ്രദേശ്, ഒഡീഷ, പഞ്ചാബ്, മഹാരാഷ്‌ട്ര സംസ്‌ഥാനങ്ങളിൽ മഴ ശക്‌തമായി തുടരുകയാണ്. നദികൾ കരകവിഞ്ഞതോടെ സംസ്‌ഥാനങ്ങളുടെ വിവിധ ജില്ലകൾ വെള്ളത്തിനടിയിലായ അവസ്‌ഥയാണ്.
ചത്തീസ്‌ഗഡിൽ റായ്‌പൂർ, ഗരിയാബന്ദ് ജില്ലകൾ പൂർണമായും വെള്ളത്തിനടിയിലായി. പൈരിനദി കര കവിഞ്ഞതാണ് സ്‌ഥിതി രൂക്ഷമാക്കിയത്. മഹാരാഷ്‌ട്രയിൽ ഗോദാവരി നദി കരകവിഞ്ഞതോടെ നാസിക് അടക്കമുള്ള മേഖല വെളളപൊക്കത്തിലായി.
പഞ്ചാബിൽ രാജ്കോട്ട്, ജാംനഗർ, പോർബന്ധർ, വൽസാദ്, ജുനഘട്ട് ജില്ലകളിലെ വിവിധ ഗ്രാമങ്ങൾ വെള്ളപൊക്കത്തിൽ ഒറ്റപ്പെട്ട നിലയിലാണ്. വ്യോമസേനയടക്കം പ്രദേശത്ത് രക്ഷാപ്രവർത്തനം നടത്തുന്നുണ്ട്. ബംഗാൾ തിരത്ത് ന്യൂനമർദ്ദം രൂപപ്പെട്ടതാണ് ഉത്തരേന്ത്യൻ സംസ്‌ഥാനങ്ങളിലും പടിഞ്ഞാറൻ തീരത്തും മഴ ശക്‌തമാവാൻ കാരണം.
Malabar News: എട്ടാം ക്ളാസ് വിദ്യാർഥിനിയുടെ ആത്‌മഹത്യ; ബാലാവകാശ കമ്മീഷൻ കേസെടുത്തു
