ചെന്നൈ: തമിഴ് നടൻ മാരൻ കോവിഡ് ബാധിച്ച് മരിച്ചു. 48 വയസായിരുന്നു. കോവിഡ് ബാധയെ തുടർന്ന് ചെങ്കൽപേട്ട് ആശുപത്രിയിൽ ചികിൽസയിൽ ആയിരുന്നു അദ്ദേഹം.
രണ്ട് ദിവസം മുൻപാണ് ഇദ്ദേഹത്തെ ആശുപത്രിയിൽ പ്രവേശിപ്പിച്ചത്. ‘ഗില്ലി’, ‘കുരുവി’ തുടങ്ങി ഒട്ടേറെ ഹിറ്റ് സിനിമകളിൽ അഭിനയിച്ചിട്ടുള്ള മാരന്റെ മരണം തമിഴ് സിനിമാലോകത്തിന് കനത്ത ഞെട്ടലാണ് ഉണ്ടാക്കിയിരിക്കുന്നത്.
‘ബോസ് എങ്കിറ ഭാസ്‌കരൻ’, ‘ഡിഷൂം’, ‘വേട്ടയ്‌ക്കാരൻ’, ‘കെജിഎഫ്’ തുടങ്ങിയ സിനിമകളിലും അദ്ദേഹം അഭിനയിച്ചിട്ടുണ്ട്. തമിഴ് സൂപ്പർ താരം വിജയ് നായകനായ ‘ഗില്ലി’യിലെ മാരന്റെ പ്രകടനം ഏറെ ശ്രദ്ധിക്കപ്പെട്ടിരുന്നു.
Read Also: ഭീമ കൊറഗാവ് കേസ്; ഗൗതം നവ്‌ലഖയുടെ ജാമ്യാപേക്ഷ സുപ്രീം കോടതി തള്ളി
