ചെന്നൈ: തമിഴ്‌നാടും പുതുച്ചേരിയും ഇന്ന് പോളിംഗ് ബൂത്തിലേക്ക്. തമിഴ്‌നാട്ടിൽ 3,998 സ്‌ഥാനാർഥികളാണ് ജനവിധി തേടുന്നത്. ആറുകോടി 28 ലക്ഷം വോട്ടർമാർമാരാണ് തമിഴ്‌നാട്ടിൽ ഇന്ന് പോളിംഗ് ബൂത്തിലേക്ക് എത്തുന്നത്.
അസം നിയമസഭയിലേക്കുള്ള വോട്ടെടുപ്പും ഇന്ന് പൂർത്തിയാകും. 3 ഘട്ടങ്ങളായാണ് അസമിൽ വോട്ടെടുപ്പ് ക്രമീകരിച്ചിരുന്നത്. ബോഡോലാൻഡ്, ലോവർ അസം എന്നീ മേഖലകളിലെ 40 മണ്ഡലങ്ങളിലാണ് ഇന്ന് തിരഞ്ഞെടുപ്പ് നടക്കുക. 337 സ്‌ഥാനാർഥികളാണ് ഇവിടെ ജനവിധി തേടുന്നത്.
പശ്‌ചിമ ബംഗാളിലും ഇന്ന് മൂന്നാംഘട്ട വോട്ടെടുപ്പ് നടക്കും. ബംഗാളിൽ 31 മണ്ഡലങ്ങളിൽ നിന്നായി 205 സ്‌ഥാനാർഥികൾ ഇന്ന് ജനവിധി തേടും. അതേസമയം, ബംഗാളിൽ മൂന്നാം ഘട്ട വോട്ടെടുപ്പ് നടക്കുന്ന എല്ലാ മണ്ഡലങ്ങളിലും നിരോധനാജ്‌ഞ പ്രഖ്യാപിച്ചിരിക്കുകയാണ്.
Read also: വോട്ടറുടെ ഒപ്പിന് പുറമെ ഇത്തവണ വിരലടയാളവും; ഇരട്ടവോട്ട് തടയാൻ കർശന നടപടി
