ചെന്നൈ: തമിഴ്നാട്ടിലും സൗജന്യമായി കോവിഡ് വാക്സിന് ലഭ്യമാക്കുമെന്ന് പ്രഖ്യാപിച്ച് മുഖ്യമന്ത്രി എടപ്പാടി കെ. പളനിസ്വാമി. ബീഹാറില് എല്ലാവര്ക്കും കോവിഡ് വാക്സിന് സൗജന്യമായി ലഭ്യമാക്കുമെന്ന് ബിജെപി വാഗ്ദാനം നല്കിയതിന് പിന്നാലെയാണ് സൗജന്യ വാക്സിന് പ്രഖ്യാപനവുമായി തമിഴ്നാടും രംഗത്തെത്തിയിരിക്കുന്നത്.
‘കോവിഡ് 19 വാക്സിന് തയ്യാറായിക്കഴിഞ്ഞാല് സംസ്ഥാനത്തെ മുഴുവന് ആളുകള്ക്കും സൗജന്യമായി ലഭ്യമാക്കും.’ മുഖ്യമന്ത്രി പറഞ്ഞു. അടുത്ത വര്ഷം നേരിടാനിരിക്കുന്ന തിരഞ്ഞെടുപ്പിനെ മുന്കൂട്ടി കണ്ടാണ് പളനിസ്വാമിയുടെ പ്രഖ്യാപനമെന്നാണ് രാഷ്ട്രീയ നിരീക്ഷകര് അഭിപ്രായപ്പെടുന്നത്.
ബീഹാര് നിയമസഭ തിരഞ്ഞെടുപ്പിന് മുന്നോടിയായി ബിജെപി പുറത്തിറക്കിയ പ്രകടന പത്രികയിലാണ് അധികാരത്തില് എത്തിയാല് ബീഹാറില് എല്ലാവര്ക്കും സൗജന്യമായി വാക്സിന് ലഭ്യമാക്കുമെന്ന വാഗ്ദാനം നല്കിയത്. ഇതിനെതിരേ വന് പ്രതിഷേധം ഉയര്ന്നിരുന്നു.