തിരുവനന്തപുരം: നിയമസഭാ തിരഞ്ഞെടുപ്പിനുള്ള ബിജെപിയുടെ പ്രാഥമിക സ്ഥാനാർഥി പട്ടികക്ക് ഇന്ന് അന്തിമ രൂപം നൽകും. തിരുവനന്തപുരത്ത് രാവിലെ ചേരുന്ന കോര് കമ്മിറ്റി യോഗം പ്രാഥമിക പട്ടിക അംഗീകരിച്ച് ദേശീയ നേതൃത്വത്തിന് കൈമാറും. വിജയ സാധ്യത വിലയിരുത്തിയ എ ഗ്രേഡ് മണ്ഡലങ്ങളിലേതും ഒപ്പം പാര്ട്ടിയില് പുതുതായി എത്തിയ പൊതു സമ്മതരെ ഉള്പ്പെടുത്തിയും ആയിരിക്കും പ്രാഥമിക സ്ഥാനാർഥി പട്ടിക.
എന്ഡിഎ ഉഭയകക്ഷി ചര്ച്ചയില് കക്ഷികള് അവകാശവാദം ഉന്നയിച്ച സീറ്റുകള് സംബന്ധിച്ച സമവായവും ഇന്നുണ്ടായേക്കും. അതേസമയം, ബിജെപി തിരഞ്ഞെടുപ്പ് പ്രചാരണങ്ങള്ക്ക് ആക്കം കൂട്ടാന് കേന്ദ്ര ആഭ്യന്തര മന്ത്രി അമിത് ഷാ ഇന്ന് വൈകീട്ട് സംസ്ഥാനത്തെത്തും. നാളെ കന്യാകുമാരിയിലെ പ്രചാരണ യോഗങ്ങളില് അമിത് ഷാ പങ്കെടുക്കും. തുടന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ നയിക്കുന്ന വിജയ യാത്രയുടെ സമാപന റാലിയിലും സംസാരിക്കും. വൈകീട്ട് ശംഖുമുഖത്താണ് സമാപന ചടങ്ങ് നടക്കുക.
Also Read: കേരളത്തിലും അസമിലും പ്രചാരണം ശക്തമാക്കാൻ ഒരുങ്ങി കോൺഗ്രസ്