പൊന്നാനി: കേന്ദ്ര തൊഴിൽ ഉദ്യോഗ മന്ത്രാലയത്തിന്റെ കീഴിൽ പ്രവർത്തിക്കുന്ന കേന്ദ്ര തൊഴിലാളി വിദ്യാഭ്യാസ ബോർഡ് കോഴിക്കോട് പ്രാദേശിക കേന്ദ്രവും, നൈതല്ലൂര് കസ്തൂർബാ വായനശാലയും സംയുക്തമായി ബോധവൽക്കരണ പഠനക്യാംപ് സംഘടിപ്പിച്ചു.
കേന്ദ്ര തൊഴിലാളി വിദ്യാഭ്യാസ റീജിണൽ ഡയറക്ടർ സുമ ഹരിദാസ് ഉൽഘാടനം ചെയ്ത പരിപാടിയിൽ ലത്തീഫ് കളക്കര നയിച്ച മോട്ടിവേഷണൽ ക്ളാസും ഉണ്ടായി. സ്ത്രീ സംരംഭകത്വം പ്രോൽസാഹിപ്പിക്കേണ്ട ആവശ്യകതയും സ്ത്രീകളെ സമൂഹത്തിന്റെ മുഖ്യധാരയിലേക്ക് നയിക്കേണ്ട ആവശ്യകതയും സുമ ഹരിദാസ് പ്രസംഗത്തിൽ ചൂണ്ടികാണിച്ചു.
ഒടി നൗഷാദ് അധ്യക്ഷത വഹിച്ച പഠനക്യാംപിൽ പ്രോഗ്രാം കോ-ഓർഡിനേറ്റർ ദാമോദരൻ മടവൻ കണ്ടി, എൻപി കുഞ്ഞിമോൻ ഹാജി, സുബ്രഹ്മണ്യൻ അരീക്കോട്, മുൻ വാർഡ് കൗൺസിലർ ഹഫ്സത്ത്, അഷ്റഫ് നൈതല്ലൂര്, നബീൽ നൈതല്ലൂര്, സന്തോഷ് കടവനാട്, രാമചന്ദ്രൻ എന്നിവർ സംസാരിച്ചു.
Most Read: ‘മുഖ്യമന്ത്രി ചെയ്തത് രാജ്യദ്രോഹകുറ്റം; ഡോളർ കടത്തിൽ സിപിഎം- ബിജെപി ഒത്തുകളി’