ന്യൂഡെല്‍ഹി: രാജ്യത്ത് കഴിഞ്ഞ സാമ്പത്തിക വര്‍ഷത്തിലെ ആദായ നികുതി റിട്ടേണ്‍ സമര്‍പ്പിക്കാനുള്ള കാലാവധി ഒരു മാസത്തേക്ക് കൂടി നീട്ടി നല്‍കി. ഈ വര്‍ഷം ഡിസംബര്‍ 31 വരെയാണ് സമയ പരിധി നീട്ടിയത്. കേന്ദ്ര സര്‍ക്കാര്‍ ഉത്തരവ് ഇന്നാണ് പുറത്തു വന്നത്.
2019 ഏപ്രില്‍ 1 മുതല്‍ 2020 മാര്‍ച്ച് 31 വരെയുള്ള കാലയളവാണ് ഉത്തരവില്‍ പറയുന്നത്. നിലവില്‍ ഓഡിറ്റിങ് പൂര്‍ത്തിയാക്കാത്ത വ്യക്‌തികള്‍ക്ക് അത് പൂര്‍ത്തിയാക്കി റിട്ടേണ്‍ സമര്‍പ്പിക്കാന്‍ അധികമായി ഒരു മാസത്തെ സാവകാശം കൂടി നീട്ടി നല്‍കും. അടുത്ത വര്‍ഷം ജനുവരി 31 വരെ ആയിരിക്കും ഇവര്‍ക്കുള്ള സമയ പരിധി.
കേന്ദ്ര പ്രത്യക്ഷ നികുതി ബോര്‍ഡിലെ (സിബിഡിറ്റി) ഉന്നത തല സമിതിയാണ് തീരുമാനം ശുപാര്‍ശ ചെയ്‌തത്. കോവിഡ് വ്യാപനം മൂലമുണ്ടായ സാമ്പത്തിക, സാമൂഹിക പ്രയാസങ്ങളില്‍ ബുദ്ധിമുട്ടുന്ന പൗരന്‍മാര്‍ക്ക് ആശ്വാസകരമായ തീരുമാനം എന്ന നിലയിലാണ് സമയ പരിധി നീട്ടിയതെന്ന് കേന്ദ്രം പറയുന്നു.
In view of constraints being faced by taxpayers due to COVID-19,CBDT further extends due dates for various compliances for FY 2019-20:
The due dt of furnishing Income Tax Returns(ITRs)for taxpayers whose accounts require to be audited has been extended to 31st, January,2021 (1/5) pic.twitter.com/cWWbXu80K9— Income Tax India (@IncomeTaxIndia) October 24, 2020
ഇത് രണ്ടാം തവണയാണ് റിട്ടേണ്‍ സമര്‍പ്പിക്കാനുള്ള അവസാന തീയതി നീട്ടി നല്‍കുന്നത്. നേരത്തെ നവംബര്‍ 30 വരെ ആയിരുന്നു കാലാവധി നിശ്‌ചയിച്ചിരുന്നത്.
Read Also: കൊവാക്‌സിൻ ജൂണിലെത്തും; പ്രതീക്ഷയോടെ ഭാരത് ബയോടെക്
