പാലക്കാട്: അടവെച്ച കോഴിമുട്ട വിരിയാൻ 21 ദിവസം വേണമെന്നാണ് കണക്ക്. വെറുമൊരു കണക്ക് മാത്രമല്ല, സാധാരണ നിലയിൽ കോഴിമുട്ട വിരിയാൻ അത്രയും ദിവസം വേണം. എന്നാൽ പാലക്കാട് ജില്ലയിൽ 14 ദിവസം കൊണ്ട് അടവെച്ച കോഴിമുട്ട വിരിഞ്ഞു.
ഈ മാസം ഒന്നാം തീയതിയാണ് കൊഴിഞ്ഞാമ്പാറ സ്വദേശിയായ രമാദേവി ടീച്ചര്‍ 11 മുട്ടകള്‍ വിരിയാന്‍ വെച്ചത്. പതിനാല് ദിവസം കഴിഞ്ഞപ്പോള്‍ തന്നെ ഒരു മുട്ട വിരിഞ്ഞു. സാധാരണ നിലയിൽ കോഴിമുട്ട വിരിയാൻ ആവശ്യമായ ദിവസത്തിനും 7 ദിവസം മുൻപേ എങ്ങനെ മുട്ട വിരിഞ്ഞുവെന്ന സംശയത്തിലായി വീട്ടുകാർ.
ജില്ലയില്‍ ചൂട് കൂടിയതാണോ കോഴിമുട്ട നേരത്തെ വിരിയാന്‍ കാരണമെന്ന് വീട്ടുകാർ ആദ്യം സംശയിച്ചു. എന്നാല്‍ ഇതിന് സാധ്യതയില്ലെന്നാണ് മൃഗ ഡോക്‌ടർമാര്‍ പറയുന്നത്. അതേസമയം, 14 ദിവസം കൊണ്ട് മുട്ട വിരിയാന്‍ സാധ്യതയില്ലെന്നും മൃഗ ഡോക്‌ടർമാര്‍ പറയുന്നു. കോഴിമുട്ട വേഗം വിരിഞ്ഞതിന്റെ ആശങ്കയിലാണ് വീട്ടുകാരെങ്കിലും ഇതൊന്നും കൂസാതെ കോഴിക്കുഞ്ഞ് വീട്ടുകാര്‍ക്ക് മുന്നില്‍ ഓടി കളിച്ചു നടക്കുകയാണ്.
Most Read: ‘പുട്ട് ബന്ധങ്ങളെ തകർക്കും’; മൂന്നാം ക്‌ളാസുകാരന്റെ ഉത്തരക്കടലാസ് വൈറലാകുന്നു
