തിരുവന്തപുരം: സിപിഎം സംസ്ഥാന സമിതി യോഗം ഇന്ന് ചേരും. സമ്മേളനത്തിൽ പുതിയ സംസ്ഥാന കമ്മിറ്റിയെ തിരഞ്ഞെടുത്ത ശേഷം എകെജി സെന്ററിൽ ചേരുന്ന ആദ്യ യോഗമാണിത്. കണ്ണൂർ പാർട്ടി കോൺഗ്രസിൽ അവതരിപ്പിക്കേണ്ട കരട് രാഷ്ട്രീയ ഭേദഗതി നിർദ്ദേശങ്ങൾ ഉൾപ്പടെ യോഗത്തിൽ പ്രധാന ചർച്ചയാകും.
രാജ്യസഭാ തിരഞ്ഞെടുപ്പും സ്ഥാനാർഥി നിർണയവും സംബന്ധിച്ച വിഷയങ്ങളിൽ ഇന്ന് ഒരു തീരുമാനം ഉണ്ടായേക്കില്ല. 17 അംഗ സെക്രട്ടറിയേറ്റിൽ 8 പേർ പുതുമുഖങ്ങളാണ്. കോവിഡ് സാഹചര്യവും യുക്രൈനിൽ നിന്നുള്ള മലയാളി വിദ്യാർഥികളുടെ മടക്കവും വിലയിരുത്താൻ ഇന്ന് മന്ത്രിസഭ ചേരുന്നുമുണ്ട്. വിദ്യാർഥികളെ തിരിച്ചെത്തിക്കുന്നതിൽ നോർക്ക മികച്ച പ്രവർത്തനം നടത്തിയെന്നാണ് സർക്കാർ വിലയിരുത്തൽ.
കാബിനറ്റിന് ശേഷം വൈകിട്ട് മുഖ്യമന്ത്രിയുടെ വസതിയായ ക്ളിഫ് ഹൗസിൽ സൗഹൃദ കാബിനറ്റ് ചേരും. വൈകിട്ട് ആറ് മുതൽ ഏഴ് വരെയാണ് പരസ്പര ബന്ധം മെച്ചപ്പെടുത്താനുള്ള ഈ കൂടിച്ചേരൽ. എല്ലാ മാസവും ആദ്യ മന്ത്രിസഭാ യോഗത്തിന് ശേഷം വൈകിട്ടുള്ള സൗഹൃദ കൂടിച്ചേരൽ തുടരാനാണ് തീരുമാനം.
Most Read: ടാറ്റൂ സ്റ്റുഡിയോയിലെ പീഡനക്കേസ്; ശാസ്ത്രീയ പരിശോധന നടത്തുമെന്ന് പോലീസ്