കോഴിക്കോട്: നിയമസഭാ തിരഞ്ഞെടുപ്പിലെ ആദ്യ ഫലം പുറത്തുവന്നു. കോഴിക്കോട് ജില്ലയിലെ പേരാമ്പ്ര മണ്ഡലത്തിൽ എൽഡിഎഫ് സ്‌ഥാനാർഥി മന്ത്രി ടിപി രാമകൃഷ്‌ണൻ വിജയിച്ചു. 6173 വോട്ടിന്റെ ഭൂരിപക്ഷത്തിനാണ് ടിപി രാമകൃഷ്‌ണൻ വിജയിച്ചത്. യുഡിഎഫ് സ്‌ഥാനാർഥി സി എച്ച് ഇബ്രാഹിംകുട്ടിയെ ആണ് അദ്ദേഹം തോൽപ്പിച്ചത്.
ബിജെപി സ്‌ഥാനാർഥി കെവി സുധീർ ഇവിടെ മൂന്നാം സ്‌ഥാനത്താണ്. തുടർച്ചയായി രണ്ടാം തവണയാണ് ടിപി രാമകൃഷ്‌ണൻ വിജയിക്കുന്നത്. തിരുവമ്പാടി, ബാലുശ്ശേരി, ഉടുമ്പൻചോല എന്നിവിടങ്ങളിൽ എൽഡിഎഫ് സ്‌ഥാനാർഥികൾ വ്യക്‌തമായ ഭൂരിപക്ഷം നേടിക്കഴിഞ്ഞു.
അതേസമയം, സംസ്‌ഥാനത്ത് എൽഡിഎഫ് ഭരണത്തുടർച്ച ഉറപ്പിക്കുകയാണ്. 90 സീറ്റുകളിൽ എൽഡിഎഫ് സ്‌ഥാനാർഥികൾ മുന്നേറുന്ന കാഴ്‌ചയാണ്‌ കാണുന്നത്.
Also Read: മട്ടന്നൂരില്‍ ശൈലജ ടീച്ചർ മുന്നേറുന്നു; 12000 കടന്ന് ലീഡ് നില
