ആലപ്പുഴ: എൽഡിഎഫ് വിശ്വാസികൾക്ക് ഒപ്പമാണെന്ന് ജി സുധാകരൻ. ആചാരങ്ങൾക്ക് ഒപ്പമാണെന്നും എന്നാൽ അനാചാരങ്ങൾക്ക് എതിരാണെന്നും മന്ത്രി പറഞ്ഞു. വിശ്വാസത്തെ അംഗീകരിക്കുന്നു. എന്നാൽ അന്ധവിശ്വാസത്തെ അംഗീകരിക്കാൻ കഴിയില്ലെന്നും അദ്ദേഹം കൂട്ടിച്ചേർത്തു. വിശ്വാസികളെ വഴി തെറ്റിക്കാനോ അന്ധവിശ്വാസം പ്രചരിപ്പിക്കാനോ ഇല്ല. കേരളത്തിലെ മിക്ക ക്ഷേത്രങ്ങൾക്ക് അടുത്തും ഇടത് മുന്നണിക്കാണ് ഭൂരിപക്ഷമെന്നും സുധാകരൻ ചൂണ്ടിക്കാട്ടി.
നേരത്തെ ദേവസ്വം മന്ത്രി കടകംപള്ളി സുരേന്ദ്രൻ ശബരിമല വിവാദങ്ങളുമായി ബന്ധപ്പെട്ട ഖേദപ്രകടനവുമായി രംഗത്ത് വന്നിരുന്നു. ശബരിമല വിധിയും തുടര്‍ന്നുണ്ടായ സംഭവങ്ങളും എല്ലാവരെയും വേദനിപ്പിച്ചുവെന്നും 2018ലെ സംഭവങ്ങള്‍ ഒരിക്കലും സംഭവിക്കാൻ പാടില്ലാത്ത കാര്യങ്ങൾ ആണെന്നുമായിരുന്നു ദേവസ്വം മന്ത്രിയുടെ പ്രസ്‌താവന. നിയമസഭാ തിരഞ്ഞെടുപ്പിൽ ബിജെപിയും കോൺഗ്രസും ശബരിമല വിഷയം ഉയർത്താൻ തുടങ്ങിയതോടെ ഇടത് നേതാക്കളിൽ പലരും നിലപാട് മാറ്റിയിരുന്നു.
Read Also: ചാലക്കുടിയിലെ സ്‌ഥാനാർഥിത്വം; കോൺഗ്രസിൽ കൂട്ടരാജി
