മ്യൂണിക്ക്: ജി7 ഉച്ചകോടിയില്‍ പങ്കെടുക്കാന്‍ പ്രധാനമന്ത്രി നരേന്ദ്ര മോദി ജര്‍മനിയിലെ മ്യൂണിച്ചിലെത്തി. പരിസ്‌ഥിതി, ഭക്ഷ്യസുരക്ഷ, ആരോഗ്യം, ലിംഗസമത്വം, ജനാധിപത്യം തുടങ്ങിയ വിഷയങ്ങള്‍ ഉള്‍ക്കൊള്ളുന്ന ജി7 ഉച്ചകോടിയില്‍ മോദി രണ്ട് സെഷനുകളില്‍ സംസാരിക്കാന്‍ സാധ്യതയുണ്ട്. വിമാനത്താവളത്തില്‍ വലിയ സ്വീകരണമാണ് പ്രധാനമന്ത്രിക്കായി ഒരുക്കിയിരിക്കുന്നത്. തിങ്കളാഴ്‌ച വരെയാണ് ഉച്ചകോടിയുടെ ഭാഗമായി മോദിയുടെ ജര്‍മനി സന്ദര്‍ശനം.
ജര്‍മനിയിലെ ഷ്‌ലോസ് എല്‍മൗയിലാണ് ഉച്ചകോടി. മ്യൂണിച്ചില്‍ എത്തിയ വിവരം പ്രധാനമന്ത്രിയുടെ ഓഫിസ് ട്വിറ്ററില്‍ പങ്കുവെച്ചു. ജൂണ്‍ 26, 27 തീയതികളിലാണ് ജി7 ഉച്ചകോടി നടക്കുന്നത്. ജര്‍മന്‍ ചാന്‍സലര്‍ ഒലാഫ് ഷോള്‍സാണ് പ്രധാനമന്ത്രിയെ ഉച്ചകോടിയിലേക്ക് ക്ഷണിച്ചത്. പരിസ്‌ഥിതി, ഊര്‍ജം, കാലാവസ്‌ഥ, ഭക്ഷ്യസുരക്ഷ, ആരോഗ്യം, തീവ്രവാദം, ലിംഗസമത്വം, ജനാധിപത്യം തുടങ്ങിയ വിഷയങ്ങളിലാണ് ചര്‍ച്ചകള്‍ നടക്കുക.
വിദേശകാര്യ മന്ത്രാലയം പുറത്തിറക്കിയ പ്രസ്‌താവന പ്രകാരം, ഉച്ചകോടിയുടെ ഭാഗമായി പ്രധാനമന്ത്രി മോദി ജി7 രാജ്യങ്ങളിലെ ചില നേതാക്കളുമായും ഉഭയകക്ഷി കൂടിക്കാഴ്‌ചകള്‍ നടത്തും. യൂറോപ്പിലെ ഇന്ത്യക്കാരെയും മോദി കണ്ടേക്കും. ഇന്ത്യയും ജര്‍മനിയും തമ്മിലുള്ള അടുത്ത പങ്കാളിത്തത്തിന്റെ പാരമ്പര്യം അനുസരിച്ചാണ് ജി7 ഉച്ചകോടിക്കുള്ള ക്ഷണം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
