മുംബൈ : സംസ്ഥാനത്ത് നിലവിൽ ഒരിടത്തും ലോക്ക്ഡൗൺ നിയന്ത്രണങ്ങളിൽ ഇളവ് നൽകിയിട്ടില്ലെന്ന് വ്യക്തമാക്കി മഹാരാഷ്ട്ര സർക്കാർ. അതേസമയം നിയന്ത്രണങ്ങളിൽ ഇളവ് നൽകുന്നതിനെ പറ്റി സർക്കാർ ആലോചിക്കുന്നുണ്ടെന്നും, എന്നാൽ ഇതുവരെ അന്തിമ തീരുമാനം ഉണ്ടായിട്ടില്ലെന്നും അധികൃതർ വ്യക്തമാക്കി.
ലോക്ക്ഡൗൺ നിയന്ത്രണങ്ങളിലെ ഇളവുകളെ പറ്റി ദുരന്തനിവാരണ വകുപ്പ് മന്ത്രി വിജയ് വാഡെറ്റിവാര് പറഞ്ഞതിന് പിന്നാലെയാണ് അതിന് വിശദീകരണവുമായി മുഖ്യമന്ത്രിയുടെ ഓഫിസ് രംഗത്തെത്തിയത്. കോവിഡ് ടെസ്റ്റ് പോസിറ്റിവിറ്റി നിരക്ക് കുറഞ്ഞ 18 ജില്ലകളിൽ നിയന്ത്രണങ്ങൾ പിൻവലിക്കുമെന്നാണ് ദുരന്തനിവാരണ വകുപ്പ് മന്ത്രി വ്യക്തമാക്കിയത്.
എന്നാൽ നിയന്ത്രണങ്ങൾ പിൻവലിക്കുന്നതുമായി ബന്ധപ്പെട്ട് ഇതുവരെ അന്തിമ തീരുമാനം ഉണ്ടായിട്ടില്ലെന്ന് സർക്കാർ വ്യക്തമാക്കി. ഒപ്പം നിയന്ത്രണങ്ങള് ലഘൂകരിക്കണോ, അതോ കൂടുതല് ശക്തിപ്പെടുത്തണോ എന്ന കാര്യത്തില് വിശദമായ മാര്ഗ നിര്ദ്ദേശങ്ങള് ഉടന് തന്നെ പ്രഖ്യാപിക്കുമെന്നും മുഖ്യമന്ത്രിയുടെ ഓഫിസ് അറിയിച്ചു.
Read also : ബജറ്റ് അവതരണം തുടങ്ങി; പ്രതിസന്ധി അതിജീവിക്കുന്ന ബജറ്റാകുമെന്ന് ധനമന്ത്രി