തിരുവനന്തപുരം : തലസ്‌ഥാനത്തെ സിക വൈറസ് ബാധ സ്‌ഥിരീകരണത്തിൽ നിലവിൽ ആശങ്കപ്പെടേണ്ട സാഹചര്യമില്ലെന്ന് വ്യക്‌തമാക്കി തിരുവനന്തപുരം മേയർ ആര്യാ രാജേന്ദ്രൻ. കൂടാതെ സിക പ്രതിരോധത്തിന്റെ ഭാഗമായി ഒരാഴ്‌ച വാർഡ്‌തല ശുചീകരണവും ഓഫിസുകളുടെ ശുചീകരണവും നടത്തുമെന്നും മേയർ അറിയിച്ചു.
സിക വൈറസ് പ്രതിരോധത്തിന്റെ ഭാഗമായി തയ്യാറാക്കിയ ആക്ഷൻ പ്ളാൻ പ്രകാരം ഒരു വാർഡിനെ 7 ആയി തിരിച്ചാണ് പ്രവർത്തനങ്ങൾ നടത്തുന്നത്. നിലവിൽ തീവ്ര ഉറവിട നശീകരണ യജ്‌ഞം എന്ന പേരിൽ കൊതുകുകളുടെ ഉറവിടങ്ങൾ നശിപ്പിക്കുന്ന പ്രവർത്തനം നഗരസഭയുടെ നേതൃത്വത്തിൽ പുരോഗമിക്കുകയാണ്. തിരുവനന്തപുരം നഗരസഭാ വളപ്പിലാണ് യജ്‌ഞത്തിന് തുടക്കം കുറിച്ചത്.
മാലിന്യ നിർമാർജനം, ഉറവിട നശീകരണം എന്നിവക്കൊപ്പം ഫോഗിംഗ് ഉൾപ്പടെയുള്ള പ്രവർത്തനങ്ങൾക്ക് നേരത്തെ തന്നെ ജില്ലയിൽ തുടക്കമായിട്ടുണ്ട്. കൂടാതെ വൈറസ് പകരുന്നത് ഒഴിവാക്കുന്നതിനായി ജനങ്ങൾ തന്നെ മുൻകരുതലുകൾ സ്വീകരിക്കണമെന്നും, ഇതിനായി വീടും പരിസരവും വൃത്തിയായി സൂക്ഷിക്കണമെന്നും മേയർ വ്യക്‌തമാക്കി.
Read also : കെഎം ഷാജിയുടെ വീടിന്റെ പുതിയ അവകാശികളും നിയമക്കുരുക്കിലേക്ക്
