തിരുവനന്തപുരം: നിയമസഭാ തിരഞ്ഞെടുപ്പിൽ കോൺഗ്രസിന് അപ്രതീക്ഷിത സ്‌ഥാനാർഥികൾ ഉണ്ടാവുമെന്ന് കെപിസിസി വൈസ് പ്രസിഡണ്ട് പിസി വിഷ്ണുനാഥ്. ഇത്തവണ 50 ശതമാനത്തോളം യുവാക്കളും വനിതകളും പുതുമുഖങ്ങളും സ്‌ഥാനാർഥി പട്ടികയിൽ ഉണ്ടാകും. എവിടെ നിന്ന് മൽസരിക്കാനും താൻ തയ്യാറാണെന്നും അദ്ദേഹം പറഞ്ഞു.
“ഞാൻ മൂന്ന് തവണ മൽസരിച്ചു. വീണ്ടും അവസരം തരണോയെന്ന് പാർട്ടി തീരുമാനിക്കട്ടെ. കൊല്ലത്ത് പാർട്ടി പ്രഖ്യാപിക്കുന്ന സ്‌ഥാനാർഥി ആരായാലും പ്രചാരണത്തിന് ഇറങ്ങും. കൊല്ലത്ത് ബിന്ദു കൃഷ്‌ണയെ സ്‌ഥാനാർഥി ആയാക്കിയാലും വിജയത്തിനായി പ്രവർത്തിക്കും. ദേശാടന പക്ഷിയാണെന്നുള്ള ആരോപണങ്ങളിൽ അടിസ്‌ഥാനമില്ല. തനിക്കെതിരെയുണ്ടായ പോസ്‌റ്റർ പ്രതിഷേധങ്ങളിൽ കോൺഗ്രസ് പ്രവർത്തകർക്ക് പങ്കില്ല,”- വിഷ്ണുനാഥ് വ്യക്‌തമാക്കി.
Also Read: വിമാനയാത്രക്കാർ കൃത്യമായി മാസ്‌ക് ധരിക്കുന്നില്ല; ഡെൽഹി ഹൈക്കോടതി ജഡ്‌ജി സ്വമേധയാ കേസെടുത്തു
