കോഴിക്കോട്: ജില്ലയിലെ കോഴിക്കോട് നോര്ത്ത് നിയോജക മണ്ഡലത്തില് വിജയം എല്ഡിഎഫിനൊപ്പം. യുഡിഎഫ് സ്ഥാനാർഥി കെഎം അഭിജിത്തിനേയും എന്ഡിഎ സ്ഥാനാർഥി എംടി രമേശിനെയും പരാജയപ്പെടുത്തി എൽഡിഎഫ് സ്ഥാനാർഥി തോട്ടത്തില് രവീന്ദ്രനാണ് മണ്ഡലത്തില് വിജിയിച്ചിരിക്കുന്നത്.
അതേസമയം കോഴിക്കോട് ജില്ലയിലെ തിരുവമ്പാടിയില് എല്ഡിഎഫ് സ്ഥാനാർഥി ലിന്റോ ജോസഫും പേരാമ്പ്ര നിയോജക മണ്ഡലത്തില് എല്ഡിഎഫ് സ്ഥാനാർഥി ടിപി രാമകൃഷ്ണനും ബാലുശ്ശേരി മണ്ഡലത്തില് എല്ഡിഎഫ് സ്ഥാനാർഥി കെഎം സച്ചിന്ദേവും വിജയിച്ചു.
വോട്ടെണ്ണല് അവസാന ഘട്ടത്തിലേക്ക് കടക്കവേ 99 മണ്ഡലങ്ങളില് എല്ഡിഎഫ് വ്യക്തമായ മുന്നേറ്റം നടത്തുന്നു. യുഡിഎഫ് 41 ഇടങ്ങളിലാണ് ലീഡ് ചെയ്യുന്നത്.
Read Also: കണ്ണൂരിൽ കടന്നപ്പള്ളി രാമചന്ദ്രന് വിജയിച്ചു