തിരുവനന്തപുരം: സംസ്‌ഥാനത്ത് വാക്‌സിൻ ക്ഷാമം രൂക്ഷമായ സാഹചര്യത്തിൽ കൂടുതൽ ഡോസുകൾ ഇന്നെത്തും. താൽക്കാലിക ആശ്വാസമായി 3 ലക്ഷം ഡോസ് വാക്‌സിനാണ് ഇന്ന് സംസ്‌ഥാനത്തെത്തുക. വാക്‌സിൻ ക്ഷാമത്തെ തുടർന്ന് സംസ്‌ഥാനത്ത് 5 ജില്ലകളിൽ ഇന്ന് വാക്‌സിനേഷൻ ഇല്ലെന്ന് സർക്കാർ അറിയിച്ചിരുന്നു. ഈ സാഹചര്യത്തിലാണ് കൂടുതൽ ഡോസുകൾ കേരളത്തിൽ എത്തുന്നത്.
ഇന്ന് സംസ്‌ഥാനത്ത് എത്തിക്കുന്ന കോവിഡ് വാക്‌സിൻ ഡോസുകളിൽ 1.20 ലക്ഷം ഡോസ് വാക്‌സിൻ എറണാകുളം മേഖലയിലും, 95,000 ഡോസ് തിരുവനന്തപുരം മേഖലയിലും, 75,000 ഡോസ് കോഴിക്കോട് മേഖലയിലും വിതരണം ചെയ്യും.
സംസ്‌ഥാനത്ത് തിരുവനന്തപുരം, കൊല്ലം, ആലപ്പുഴ, കോട്ടയം, വയനാട് എന്നീ ജില്ലകളിലാണ് ഇന്ന് വാക്‌സിനേഷൻ നിർത്തി വച്ചിരിക്കുന്നത്. കൂടാതെ മറ്റ് ജില്ലകളിൽ ഇന്നത്തോടെ വാക്‌സിൻ ഡോസുകൾ തീരുമെന്നും സർക്കാർ ആശങ്ക അറിയിച്ചിട്ടുണ്ട്. സംസ്‌ഥാനത്ത് ഇതുവരെ ഒന്നാം ഡോസും, രണ്ടാം ഡോസും സ്വീകരിച്ച ആകെ ആളുകളുടെ എണ്ണം 2,20,88,293 ആണ്.
Read also: എൻജിന് മുന്നിൽ കുടുങ്ങിയ മൃതദേഹവുമായി തീവണ്ടി ഓടിയത് 14 കിലോമീറ്റർ
