തിരുവനന്തപുരം : സംസ്ഥാനത്ത് 3 പേർക്ക് കൂടി സിക വൈറസ് സ്ഥിരീകരിച്ചതായി വ്യക്തമാക്കി ആരോഗ്യവകുപ്പ്. തിരുവനന്തപുരം മെഡിക്കൽ കോളേജിലെ വൈറോളജി ലാബിൽ നടത്തിയ പരിശോധനയിലാണ് 3 പേർക്ക് കൂടി രോഗം സ്ഥിരീകരിച്ചത്. ഇതോടെ സംസ്ഥാനത്ത് ഇതുവരെ സിക സ്ഥിരീകരിച്ച ആകെ ആളുകളുടെ എണ്ണം 44 ആയി ഉയർന്നു.
തിരുവനന്തപുരത്തെ പിടി നഗർ സ്വദേശി(27), പേട്ട സ്വദേശി(38), ആനയറ സ്വദേശി(3), എന്നിവര്ക്കാണ് ഇന്ന് സിക വൈറസ് സ്ഥിരീകരിച്ചത്. കൂടാതെ സംസ്ഥാനത്ത് നിലവിൽ രോഗബാധിതരായി ചികിൽസയിൽ കഴിയുന്നവരുടെ എണ്ണം 6 ആണെന്നും ആരോഗ്യവകുപ്പ് വ്യക്തമാക്കിയിട്ടുണ്ട്. ഇവരാരും തന്നെ ആശുപത്രികളിലല്ല ചികിൽസയിൽ കഴിയുന്നതെന്നും, എല്ലാവരുടെയും ആരോഗ്യനില തൃപ്തികരമാണെന്നും അധികൃതർ വ്യക്തമാക്കി.
Read also : പെഗാസസ്; തങ്ങളുടെ ഫോണുകളും ചോർത്തിയതായി സംശയമുണ്ടെന്ന് കർഷക നേതാക്കൾ