കൊച്ചി: തൃക്കാക്കര നഗരസഭാ സെക്രട്ടറി എന്കെ കൃഷ്ണകുമാറിന് സ്ഥലംമാറ്റം. തൃശൂര് കോർപറേഷനിലേക്കാണ് മാറ്റിയിരിക്കുന്നത്. മാസങ്ങളായി ഓഫിസിൽ എത്താത്ത കൃഷ്ണ കുമാറിനെതിരെ പ്രതിപക്ഷം സമരം കടുപ്പിക്കുന്നതിനിടെയാണ് നടപടി.
ഏഴ് മാസമായി സെക്രട്ടറിയെ കാണാനില്ലെന്നും ഇദ്ദേഹം ഒളിവിലാണെന്നുമായിരുന്നു പ്രതിപക്ഷത്തിന്റെ ആരോപണം. നേരത്തെ നഗരസഭാ സെക്രട്ടറിയുടെ ഓഫിസിന് മുന്നില് പ്രതിപക്ഷ കൗണ്സിലര്മാര് റീത്തുവെച്ച് പ്രതിഷേധിക്കുകയും ചെയ്തിരുന്നു.
ഓണസമ്മാന വിവാദത്തില് തൃക്കാക്കര നഗരസഭാ ചെയർപേഴ്സൺ അജിതാ തങ്കപ്പനെതിരെ എല്ഡിഎഫ് അവിശ്വാസ പ്രമേയ നോട്ടീസ് നല്കിയിരിക്കുന്ന പശ്ചാത്തലത്തിൽ കൂടിയാണ് പുതിയ ഇടപെടല്. അതേസമയം, അവിശ്വാസ പ്രമേയ വോട്ടെടുപ്പില് നിന്നും കോണ്ഗ്രസ് വിട്ടുനില്ക്കുമെന്നാണ് വിവരം. 21 അംഗ യുഡിഎഫില് കോണ്ഗ്രസിലെ 16 കൗണ്സിലര്മാര് അവിശ്വാസ പ്രമേയ ചര്ച്ചയിലും വോട്ടെടുപ്പിലും പങ്കെടുക്കില്ലെന്നാണ് തീരുമാനം.
Also Read: ‘അടിയുറച്ച പോരാളി’; കനയ്യ കുമാർ കോണ്ഗ്രസിലേക്കെന്ന വാര്ത്തകള് തള്ളി കാനം