ന്യൂഡെൽഹി: ചീഫ് ജസ്‌റ്റിസ് എന്‍വി രമണ ‘നല്ല ജഡ്ജി’യെന്ന് സോളിസിറ്റര്‍ ജനറല്‍ തുഷാര്‍ മേത്ത. ചീഫ് ജസ്‌റ്റിസിനെ ആദരിക്കാന്‍ ബാര്‍ കൗണ്‍സില്‍ ഓഫ് ഇന്ത്യയുടെ നേതൃത്വത്തിൽ ചേർന്ന യോഗത്തിനിടയിലാണ് തുഷാര്‍ മേത്ത ‘നല്ല മനുഷ്യന്‍, നല്ല ജഡ്ജി’ എന്ന് ചീഫ് ജസ്‌റ്റിസിനെ പുകഴ്‌ത്തിയത്.
‘എന്‍വി രമണ സുപ്രീം കോടതി ചീഫ് ജസ്‌റ്റിസും ഒപ്പം നല്ലൊരു മനുഷ്യനുമാണ്. അദ്ദേഹത്തിന് ദൈവത്തെ ഭയമില്ല. പക്ഷേ അദ്ദേഹമൊരു ദൈവസ്‌നേഹിയാണ്. നമ്മുടെ അഭിഭാഷക കുടുംബത്തില്‍ അദ്ദേഹം നല്ല കഴിവുള്ളവനാണ്’. സോളിസിറ്റര്‍ ജനറല്‍ പറഞ്ഞു.
എസ്‌എ ബോബ്‌ഡെ വിരമിച്ചതിനെ തുടർന്ന് കഴിഞ്ഞ ഏപ്രിലിലാണ് എന്‍വി രമണ ചീഫ് ജസ്‍റ്റിസായി സ്‌ഥാനമേറ്റത്. അടുത്ത വര്‍ഷം ഓഗസ്‌റ്റ് 26വരെയാണ് രമണയുടെ കാലാവധി.
Read also: ആസിഡ് ആക്രമണത്തിന് ഇരയായ യുവതിക്ക് ചികിൽസാ സഹായവുമായി ദീപിക പദുക്കോൺ
