ആസിഡ് ആക്രമണത്തിന് ഇരയായ യുവതിക്ക് ചികിൽസാ സഹായവുമായി ദീപിക പദുക്കോൺ

By Staff Reporter, Malabar News
Deepika_Padukone
ദീപിക പദുക്കോൺ

മുംബൈ: ആസിഡ് ആക്രമണത്തിന് ഇരയായ യുവതിയെ സഹായിച്ച് ബോളിവുഡ് താരം ദീപിക പദുക്കോണ്‍. ‘ഛപക്’ എന്ന ചിത്രത്തില്‍ തന്നോടൊപ്പം അഭിനയിച്ച ബാല പ്രജാപതിയെയാണ് ദീപിക സാമ്പത്തികമായി സഹായിച്ചത്. വൃക്ക സംബന്ധമായ രോഗത്തെ തുടര്‍ന്ന് ചികിൽസയിലാണ് യുവതി.

15 ലക്ഷം രൂപയാണ് ബാല പ്രജാപതിയുടെ വൃക്ക മാറ്റിവെക്കൽ ശസ്‍ത്രക്രിയയുമായി ബന്ധപ്പെട്ട് ദീപിക നല്‍കിയത്. ചരണ്‍ ഫൗണ്ടേഷനാണ് ബാലയുടെ ചികിൽസക്കായുള്ള പണം സ്വരൂപിക്കുന്നത്. ഇവർ മുഖാന്തരമാണ് ദീപിക പണം നല്‍കിയത്.

ദീപിക പദുക്കോൺ, ബാല പ്രജാപതി, രൺവീർ സിംഗ്

ആസിഡ് ആക്രമണത്തിന് ഇരയായ ലക്ഷ്‌മി അഗര്‍വാളിന്റെ കഥയാണ് ദീപിക നായികയായ ‘ഛപക്’ എന്ന ചിത്രം പറയുന്നത്. ബാല പ്രജാപതിക്ക് പുറമെ ആസിഡ് ആക്രമണത്തിന് ഇരയായ ഒട്ടേറെ യുവതികളും ചിത്രത്തില്‍ അഭിനയിച്ചിരുന്നു.

അതേസമയം ‘പത്താന്‍’ ആണ് റിലീസ് ചെയ്യാനിരിക്കുന്ന ദീപിക പദുക്കോണ്‍ ചിത്രം. ഷാറൂഖ് ഖാനാണ് ചിത്രത്തിലെ നായകന്‍. അടുത്തിടെ തന്റെ രണ്ടാമത്തെ ഹോളിവുഡ് ചിത്രവും ദീപിക പ്രഖ്യാപിച്ചിരുന്നു.

Most Read: പാരാലിമ്പിക്‌സ്; ബാഡ്‌മിന്റണില്‍ മൂന്നാം മെഡലും ഉറപ്പിച്ച് ഇന്ത്യ 

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE