പുനലൂർ താലൂക്ക് ആശുപത്രിയിലെ സീനിയർ നഴ്സിങ് ഓഫീസറായ സിനിമോൾ ആണ് വഴിയരികിൽ കുഴഞ്ഞുവീണ സ്കൂട്ടർ യാത്രക്കാരന് തക്ക സമയത്ത് സിപിആർ നൽകി പുതുജീവൻ നൽകിയത്.
ഭർത്താവിനും മകൾക്കുമൊപ്പം തിരുവനന്തപുരത്ത് നിന്ന് കൊട്ടാരക്കര കിഴക്കേത്തെരുവിലെ വീട്ടിലേക്ക് മടങ്ങുകയായിരുന്നു സിനിമോൾ. ഈ സമയത്താണ് എതിരെവന്ന സ്കൂട്ടർ യാത്രക്കാരൻ വീഴുന്നത് കണ്ടത്. യാത്രക്കാരന്റെ മകളും ഒപ്പമുണ്ടായിരുന്നു. സ്കൂട്ടർ തെന്നിമറിഞ്ഞതാവാമെന്നാണ് സിനിമോൾ ആദ്യം കരുതിയത്.
ഓടിച്ചെന്ന് സിനിമോൾ യാത്രക്കാരനെ പരിശോധിച്ചു. പൾസ് കിട്ടുന്നില്ല, അദ്ദേഹത്തെ റോഡിൽ കിടത്തി സിപിആർ നൽകാൻ തുടങ്ങി. ഒരു മിനിറ്റ് നീണ്ട സിപിആറിനൊടുവിൽ യാത്രക്കാരന് ബോധം തിരിച്ചുകിട്ടി. പിന്നീടാണ് അദ്ദേഹം കുഴഞ്ഞു വീണതാണെന്ന് മനസിലായത്. ആശുപത്രി കിടക്കയിലെ രോഗികൾക്ക് സാന്ത്വനം പകരുന്ന നഴ്സ്, നടുറോഡിൽ ജീവൻ രക്ഷിച്ച കാവൽമാലാഖ ആവുകയായിരുന്നു.
സിനിമോൾ ആ നിമിഷം ആ വഴി വന്നില്ലായിരുന്നെങ്കിൽ ആ യാത്രക്കാരന്റെ ഹൃദയം എന്നന്നേക്കുമായി നിലച്ചേനെ. പുനലൂർ താലൂക്ക് ആശുപത്രിയിലെ സീനിയർ നഴ്സിങ് ഓഫീസറും അണുബാധാ നിയന്ത്രണ യൂണിറ്റിന്റെ ചുമതലക്കാരിയുമാണ് പി. സിനിമോൾ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
