കൊൽക്കത്ത: തൃണമൂൽ കോൺഗ്രസ് നേതാവ് ആദിത്യ നിയോഗിക്ക് വെടിയേറ്റു. ചൊവ്വാഴ്ച ഹൂഗ്ളിയിലെ മാർക്കറ്റിൽ വച്ചാണ് അജ്ഞാതർ നിയോഗിക്ക് നേരെ വെടിയുതിർത്തത്. അദ്ദേഹം ഇതുവരെ അപകട നില തരണം ചെയ്തിട്ടില്ലെന്നാണ് വിവരം. ബൻസ്ബേരിയ മുനിസിപ്പാലിറ്റിയിലെ വൈസ് ചെയർമാനായിരുന്നു ആദിത്യ നിയോഗി.
അതേസമയം, നിയോഗിക്ക് നേരെയുള്ള ആക്രമണത്തിന് പിന്നിൽ ബിജെപിയാണെന്ന് ടിഎംസി എംഎൽഎ തപൻ ദാസ് ഗുപ്ത പറഞ്ഞു. എന്നാൽ തൃണമൂൽ കോൺഗ്രസിൽ തന്നെയുള്ള ചിലരാണെന്നാണ് ബിജെപി ആരോപിക്കുന്നത്. ആക്രമണത്തിൽ പ്രതിഷേധിച്ച് ബാൻസ്ബേരിയ പ്രദേശത്ത് തൃണമൂൽ പ്രവർത്തകർ പ്രതിഷേധിക്കുന്നുണ്ട്.
Read also: വ്യാജ വാർത്തകൾ; സോഷ്യൽ മീഡിയക്ക് മമതയുടെ കടിഞ്ഞാൺ; ബിജെപി നേതാക്കൾക്കെതിരെ കേസ്