തിരുവനന്തപുരം: പുതിയ ചീഫ് സെക്രട്ടറിയും പോലീസ് മേധാവിയും ആരെന്ന് ഇന്നറിയാം. ഇന്ന് ചേരുന്ന മന്ത്രിസഭാ യോഗം ആരെന്നതിൽ അന്തിമ തീരുമാനം എടുക്കും. ചീഫ് സെക്രട്ടറി സ്ഥാനത്തേക്ക് ഡോ. കെ വേണുവിനാണ് സാധ്യത. പോലീസ് തലപ്പത്ത് കെ പത്മകുമാർ, ഷെയ്ക്ക് ദർവേസ് സാഹിബ് എന്നിവരിൽ ഒരാളാകാനാണ് സാധ്യത. ചീഫ് സെക്രട്ടറി വിപി ജോയിയും ഡിജിപി അനിൽ കാന്തും ഈ മാസത്തോടെ സർവീസിൽ നിന്ന് വിരമിക്കുകയാണ്.
ജൂൺ 30ന് ആണ് ചീഫ് സെക്രട്ടറി വിപി ജോയിയും ഡിജിപി അനിൽ കാന്തും സർവീസിൽ നിന്ന് വിരമിക്കുന്നത്. വിപി ജോയിക്ക് പിൻഗാമി ആഭ്യന്തര സെക്രട്ടറി വി വേണു ആയിരിക്കുമെന്ന് ഏറെക്കുറെ ഉറപ്പായിട്ടുണ്ട്. എന്നാൽ, അനിൽ കാന്തിന്റെ പിൻഗാമിയായി പോലീസ് തലപ്പത്ത് ആരാകും എത്തുകയെന്നതിൽ ആകാംഷ തുടരുകയാണ്. ഫയർഫോഴ്സ് മേധാവി ഷെയ്ക്ക് ദർവേസ് സാഹിബും ജയിൽ മേധാവി കെ പത്മകുമാറുമാണ് സാധ്യതാ പട്ടികയിൽ മുൻനിരയിൽ ഉള്ളത്.
Most Read: സംസ്ഥാനത്ത് ഇന്ന് അതിശക്തമായ മഴ; ഇടുക്കിയിൽ ഓറഞ്ച് അലർട്