മസ്ക്കറ്റ്: കനത്ത മഴയിൽ അപകടങ്ങൾ പതിവായതോടെ ഒമാനിലെ വിനോദസഞ്ചാര കേന്ദ്രങ്ങൾ താൽക്കാലികമായി അടച്ചിടാൻ തീരുമാനം. സിവില് ഡിഫന്സ് ആന്ഡ് ആംബുലന്സ് അതോറിറ്റിയാണ് ഇക്കാര്യത്തിൽ തീരുമാനം എടുത്തത്.
രാജ്യത്തെ ദാഖിലിയ, ദാഹിറ, തെക്കന് ബാത്തിന എന്നീ ഗവര്ണറേറ്റുകളിലാണ് നിലവിൽ ശക്തമായ മഴ ലഭിച്ചത്. കനത്ത മഴയെ തുടർന്ന് അപകടങ്ങള് തുടര്ച്ചയായി റിപ്പോര്ട് ചെയ്യപ്പെടുന്നതും മുന്നറിയിപ്പുകളോടും നിര്ദ്ദേശങ്ങളോടും ജനങ്ങള് അനാസ്ഥ കാണിക്കുന്നതുമാണ് ഇപ്പോൾ വിനോദസഞ്ചാര കേന്ദ്രങ്ങൾ താൽക്കാലികമായി അടച്ചിടാൻ കാരണം. കഴിഞ്ഞ ദിവസം ഒമാന്റെ വിവിധ ഭാഗങ്ങളിൽ പെയ്ത കനത്ത മഴയെ തുടർന്ന് വാദികള് നിറഞ്ഞു കവിയുകയും ചിലയിടത്ത് റോഡുകളില് വെള്ളം കയറുകയും ചെയ്തിരുന്നു.
Read also: ഇന്നും വ്യാപക മഴയ്ക്ക് സാധ്യത; സംസ്ഥാനത്ത് 6 ജില്ലകളിൽ യെല്ലോ അലർട്