വയനാട്: ലോക്ക്ഡൗൺ നിയന്ത്രണങ്ങളിൽ ഇളവുകൾ നൽകിയതിന് പിന്നാലെ ടൂറിസം കേന്ദ്രങ്ങൾ തുറന്നതോടെ ജില്ലയിലെ വിനോദസഞ്ചാര കേന്ദ്രങ്ങളിൽ സഞ്ചാരികൾ നിറയുന്നു. നിലവിൽ കോവിഡിന് ശേഷം വിനോദസഞ്ചാര കേന്ദ്രങ്ങൾ തുറന്നിട്ട് 2 മാസത്തോളമായി. ഇതുവരെ ജില്ലയിലെ വിവിധ വിനോദസഞ്ചാര കേന്ദ്രങ്ങളിലായി എത്തിയ ആകെ ആളുകളുടെ എണ്ണം ഒന്നര ലക്ഷം കവിഞ്ഞിട്ടുണ്ട്.
നിലവിൽ പ്രതിദിനം ആയിരക്കണക്കിന് ആളുകളാണ് ജില്ലയിലെ വിനോദ കേന്ദ്രങ്ങളിൽ എത്തുന്നത്. ഡിടിപിസി, വനംവകുപ്പ്, കെഎസ്ഇബി, ജലസേചന വകുപ്പ് എന്നിവയുടെ കീഴിലുള്ള വിനോദ സഞ്ചാര കേന്ദ്രങ്ങളിലെല്ലാം ഇപ്പോൾ ആളുകൾക്ക് പ്രവേശന അനുമതിയുണ്ട്. ജില്ലയിൽ ആകെ ഇതുവരെ ടിക്കറ്റ് വരുമാനത്തിൽ ലഭിച്ചത് 68 ലക്ഷത്തിലേറെ രൂപയാണ്.
ഡിടിപിസിയുടെ വിനോദ കേന്ദ്രങ്ങളിൽ ഏറ്റവും ഒടുവിൽ തുറന്നത് പൂക്കോട് തടാകമാണ്. ഇവിടെയാണ് ഇതുവരെ ഏറ്റവും കൂടുതൽ സഞ്ചാരികൾ എത്തിയത്. കഴിഞ്ഞ 5ആം തീയതി വരെ 33,306 ആളുകളാണ് ഇവിടെ സന്ദർശനം നടത്തിയത്. കൂടാതെ 20,04,270 രൂപയുടെ വരുമാനവും ഉണ്ടായിട്ടുണ്ട്.
Read also: എൻഡോസൾഫാൻ നിർവീര്യമാക്കൽ; 15ഓടെ തുടങ്ങാൻ ജില്ലാ ഭരണകൂടം
