ബെംഗളൂരു: മലയാളി വിദ്യാർഥിയെ ബെംഗളൂരുവിൽ മരിച്ച നിലയിൽ കണ്ടെത്തി. ബിടിഎൽ സ്കൂൾ ഓഫ് നഴ്സിങ്ങിലെ രണ്ടാംവർഷ നഴ്സിങ് വിദ്യാർഥിയായ ആദിത്യനെയാണ് (19) ജീവനൊടുക്കിയ നിലയിൽ കണ്ടെത്തിയത്. തിരുവനന്തപുരം അരുവിക്കര സ്വദേശിയാണ്.
നാലുപേരുള്ള മുറിയിലാണ് ആദിത്യൻ താമസിച്ചിരുന്നത്. ഇന്നലെ ഉച്ചയ്ക്ക് ഒപ്പമുള്ളവർ കോളേജിൽ നിന്ന് മടങ്ങിയെത്തിയപ്പോഴാണ് ഹോസ്റ്റൽ മുറിയിൽ ആദിത്യനെ മരിച്ച നിലയിൽ കണ്ടെത്തിയത്.
തുടർന്ന് കോളേജിൽ വിവരം അറിയിക്കുകയായിരുന്നു. കോളേജ് അധികൃതർ ബന്ധുക്കളെയും വിവരം അറിയിച്ചു. പോസ്റ്റുമോർട്ടത്തിന് ശേഷം മൃതദേഹം നാട്ടിലേക്ക് കൊണ്ടുവരും. മരണകാരണം വ്യക്തമല്ല.
Most Read| കേരളം യുഡിഎഫിന് ‘കൈ’ കൊടുക്കും; എക്സിറ്റ് പോൾ ഫലങ്ങൾ പുറത്ത്
