എറണാകുളം: ഇംഗ്ളീഷ് സംസാരിക്കാത്തതിന്റെ പേരിൽ 4 വയസുകാരന് ട്യൂഷൻ സെന്റർ അധ്യാപകന്റെ മർദ്ദനം. എറണാകുളം ജില്ലയിലെ പള്ളുരുത്തിയിലാണ് സംഭവം. തുടർന്ന് പള്ളുരുത്തിയിലുള്ള തക്ഷശില ട്യൂഷൻ സെന്റർ അധ്യാപകൻ നിഖിലിനെ പോലീസ് അറസ്‌റ്റ് ചെയ്‌തു. കയ്യിലും കാലിലും പരിക്കേറ്റ കുട്ടിയുടെ ശരീരത്തിൽ ചതവുകളും കണ്ടെത്തിയിട്ടുണ്ട്. മർദ്ദനം അധ്യാപകൻ സമ്മതിച്ചതായും മാതാപിതാക്കൾ വ്യക്‌തമാക്കി.
കഴിഞ്ഞ ചൊവ്വാഴ്‌ചയാണ് ട്യൂഷനെത്തിയ 4 വയസുകാരനെ ഇംഗ്ളിഷ് പറഞ്ഞില്ലെന്ന പേരിൽ അധ്യാപകൻ മർദ്ദിച്ചത്. കുട്ടിയെ വീട്ടിലേക്ക് തിരികെ കൊണ്ടുപോകാൻ എത്തിയപ്പോഴാണ് രക്ഷിതാക്കൾ വിവരം അറിയുന്നത്. തുടർന്ന് ചൈൽഡ് ലൈനിലും പോലിസിലും കുടുംബം പരാതി നൽകുകയായിരുന്നു. നിലവിൽ അറസ്‌റ്റിലായ നിഖിലിനെ 14 ദിവസത്തേക്ക് റിമാൻഡ് ചെയ്‌തിരിക്കുകയാണ്. കൂടാതെ ആശുപത്രിയിൽ പ്രവേശിപ്പിച്ച കുട്ടിയുടെ ആരോഗ്യസ്‌ഥിതി മെച്ചപ്പെട്ടതോടെ ഡിസ്‌ചാർജ് ചെയ്യുകയും ചെയ്‌തു.
Read also: കൽപ്പറ്റയിലെ രാഹുൽ ഗാന്ധി എംപിയുടെ ഓഫീസ് അടിച്ചു തകർത്ത് എസ്എഫ്ഐ
