കുമ്പള: അണക്കെട്ടില്‍ കുളിക്കാനിറങ്ങിയ സഹോദരങ്ങളായ രണ്ട് കുട്ടികള്‍ മുങ്ങി മരിച്ചു. ശരീഫ്-ശംസാദ് ദമ്പതികളുടെ മക്കളായ ശദാദ് (13), ശഹാസ് (8) എന്നിവരാണ് മരിച്ചത്. ഇച്ചിലങ്ങോട് ബൊംബ്രാണ അണക്കെട്ടില്‍ കുളിക്കുന്നതിനിടെ ആയിരുന്നു അപകടം.
ഞായറഴ്ച വൈകീട്ട് 5.45ഓടെയാണ് അപകടം നടന്നത്. അണക്കെട്ടില്‍ കുളിക്കുന്നതിനിടെ കുട്ടികള്‍ ആഴത്തിലേക്ക് മുങ്ങി താഴുകയായിരുന്നു. തുടർന്ന് ഒപ്പമുണ്ടായിരുന്ന കുട്ടികള്‍ പരിസര വാസികളെ വിവരമറിയിച്ചെങ്കിലും ഇരുവരെയും രക്ഷിക്കാൻ സാധിച്ചില്ല. നാട്ടുകാരും ഫയര്‍ഫോഴ്സും ചേർന്ന് നടത്തിയ തിരച്ചിലിന് ഒടുവിലാണ് കുട്ടികളുടെ മൃതദേഹം കണ്ടെത്തിയത്.
കുമ്പള എസ്ഐ സന്തോഷിന്റെ നേതൃത്വത്തിലുള്ള പോലീസ് സംഘവും വിവരമറിഞ്ഞ് സ്‌ഥലത്ത് എത്തിയിരുന്നു.
Malabar News: മൽസരിക്കാൻ ഇല്ലെന്ന് കെകെ രമ; വടകരയിൽ എൻ വേണുവിന് സാധ്യത
