വടകര: നിയമസഭാ തിരഞ്ഞെടുപ്പില് ഇത്തവണ മൽസരിക്കില്ലെന്ന് ആര്എംപി നേതാവ് കെകെ രമ. വടകരയില് ആര്എംപിക്ക് സ്ഥാനാർഥിയുണ്ടെന്നും എന്നാൽ താൻ ആയിരിക്കില്ലെന്നുമാണ് കെകെ രമ പറഞ്ഞത്. ആര്എംപിക്ക് ഇത്തവണ യുഡിഎഫ് വടകരയിൽ സീറ്റ് നല്കുമെന്നാണ് റിപ്പോർട്.
കെകെ രമ, ആര്എംപി സംസ്ഥാന അധ്യക്ഷന് എന് വേണു എന്നിവർക്ക് വടകരയിൽ സാധ്യതയുണ്ടെന്നുള്ള സൂചനകൾ നേരത്തെ പുറത്ത് വന്നിരുന്നു. ആർഎംപി സ്ഥാനാർഥിയായി വേണുവിനെ മൽസരിപ്പിക്കുമെന്നും അതേ സമയം പൊതു സ്വതന്ത്രയായി കെകെ രമക്ക് സീറ്റ് നൽകുമെന്നുമുള്ള അഭ്യൂഹങ്ങളാണ് പുറത്തുവന്നത്.
എന്നാല് മൽസരിക്കാൻ ഇല്ലെന്ന് കെകെ രമ വ്യക്തമാക്കിയതോടെ വടകരയില് എന് വേണുവിന് സാധ്യതയേറി. കഴിഞ്ഞ നിയമസഭാ തിരഞ്ഞെടുപ്പില് എല്ഡിഎഫ് സ്ഥാനാർഥി സികെ നാണുവിനെതിരെ ആയിരുന്നു കെകെ രമ മൽസരിച്ചത്. എന്നാൽ 9511 വോട്ടിന്റെ ഭൂരിപക്ഷത്തില് സികെ നാണുവാണ് വിജയിച്ചത്.
Read also: പരാതികൾ നേരിട്ട് പരിഹരിക്കുക ലക്ഷ്യം; മന്ത്രിമാരുടെ ജില്ലാതല അദാലത്തുകൾ ഫെബ്രുവരി 1 മുതൽ