ഷാർജ: റയാൻ ഇന്റർനാഷണൽ സ്കൂൾ ഗ്രൗണ്ടിൽ ജനുവരി 7–8 തിയതികളിൽ നടന്ന ഇൻലൈൻ / ക്വാഡ്സ് സ്കേറ്റിങ് ചാമ്പ്യൻഷിപ്പിൽ 300 മീറ്റർ വിഭാഗത്തിൽ അഹ്മദ് ഷഹ്ലാൻ ഒന്നാം സ്ഥാനം നേടി. മറ്റു രണ്ടു വിഭാഗങ്ങളിലും കൂടി പങ്കെടുത്ത ഷഹ്ലാൻ ഇവയിൽ രണ്ടാം സ്ഥാനവും മൂന്നാം സ്ഥാനവും കരസ്ഥമാക്കി.
18 വയസിന് താഴെയുള്ള ആൺകുട്ടികളുടെ വിവിധ ഇനം മൽസരങ്ങളിലാണ് അഹ്മദ് ഷഹ്ലാൻ മികച്ച നേട്ടം കൈവരിച്ചത്. 1000 മീറ്റർ വിഭാഗത്തിൽ രണ്ടാം സ്ഥാനവും 500 മീറ്റർ വിഭാഗത്തിൽ മൂന്നാം സ്ഥാനവുമാണ് ഷഹ്ലാൻ കരസ്ഥമാക്കിയത്.
ഇതോടെ ഹരിയാനയിൽ നടക്കുന്ന ദേശീയ സിബിഎസ്ഇ സ്കേറ്റിങ് ചാമ്പ്യൻഷിപ്പിൽ പങ്കെടുക്കാനുള്ള യോഗ്യത ഷഹ്ലാൻ നേടി. ഷാർജ ഇന്ത്യ ഇന്റർനാഷണൽ സ്കൂൾ പ്ളസ് വൺ വിദ്യാർഥിയാണ് ഷഹ്ലാൻ. ഷാർജയിലുള്ള തളങ്കര സ്വദേശി സുബൈർ പള്ളിക്കാൽ – സുനീഷ റഹ്മത്തിന്റെയും മകനാണ്.
Most Read: സ്വവർഗ വിവാഹം ഇന്ത്യയിൽ നിയമവിധേയം ആക്കണമെന്ന് ഹരജി