ഡെറാഡൂണ്‍: ഉത്തരാഖണ്ഡില്‍ ബിജെപിക്ക് അപ്രതീക്ഷിത തിരിച്ചടിയായി മന്ത്രിയും മകനും പാർട്ടി വിട്ടു. ഗതാഗത മന്ത്രി യശ്പാൽ ആര്യയും, മകനും എംഎല്‍എയുമായ സഞ്‌ജീവ് ആര്യയുമാണ് ബിജെപിയിൽ നിന്ന് രാജിവെച്ച് കോണ്‍ഗ്രസില്‍ ചേര്‍ന്നത്.
മുതിര്‍ന്ന കോൺഗ്രസ് നേതാവ് ഹരീഷ് റാവത്ത്, രണ്‍ദീപ് സുര്‍ജേവാല, കെസി വേണുഗോപാല്‍ എന്നിവരുടെ സാന്നിധ്യത്തിലായിരുന്നു ഇരുവരുടേയും പാര്‍ട്ടി പ്രവേശനം. ഇരുവരും പിന്നീട് രാഹുല്‍ ഗാന്ധിയെ സന്ദര്‍ശിച്ചു. യശ്പാല്‍ മന്ത്രിസ്‌ഥാനം രാജിവെച്ചതായി സുര്‍ജേവാല പറഞ്ഞു.
2017ലാണ് ഇരുവരും കോണ്‍ഗ്രസ് വിട്ട് ബിജെപിയിൽ ചേർന്നത്. 1989ൽ ആദ്യമായി എംഎല്‍എയായ യശ്പാൽ ഉത്തരാഖണ്ഡ് നിയമസഭാ സ്‌പീക്കറായും സേവനമനുഷ്‌ഠിച്ചിട്ടുണ്ട്. ഇരുവരേയും പാര്‍ട്ടിയിലേക്ക് തിരിച്ചെത്തിക്കാനുള്ള കോണ്‍ഗ്രസ് നീക്കം അതീവ രഹസ്യമായിരുന്നു. അടുത്ത വര്‍ഷം തിരഞ്ഞെടുപ്പ് നടക്കാനിരിക്കെ മന്ത്രിയുടെയും മകന്റെയും ചുവടുമാറ്റം ബിജെപിക്ക് തിരിച്ചടിയാവും എന്നാണ് വിലയിരുത്തൽ.
Uttarakhand BJP leader Yashpal Arya along with his son MLA Sanjeev joins Congress in presence of party leaders Harish Rawat & KC Venugopal in Delhi
“He (Yashpal) has just tendered resignation from the post of Uttarakhand Cabinet Minister,” says Congress leader Randeep Surjewala pic.twitter.com/GRBJsBWSa9
— ANI (@ANI) October 11, 2021
Most Read: കശ്‌മീരിൽ സംഘർഷം തുടർക്കഥയാകുന്നു; ഭീകരബന്ധമുള്ള 700 പേർ കസ്‌റ്റഡിയിൽ
