ന്യൂഡൽഹി: കാർ അപകടത്തിൽ ഗുരുതരപരിക്കേറ്റ കേന്ദ്ര ആയുഷ്, പ്രതിരോധ സഹമന്ത്രി ശ്രീപദ് നായികിന് അപകടനില തരണം ചെയ്യാൻ കഴിഞ്ഞതായി ഗോവ മെഡിക്കൽ കോളജ് ആശുപത്രി അധികൃതർ അറിയിച്ചു. അപകടത്തിൽ അതീവ ഗുരുതര പരിക്കേറ്റ മന്ത്രിയുടെ ഭാര്യയും പേഴ്സണൽ സ്റ്റാഫ് അംഗം ദീപക്കും മരിച്ചതായും അധികൃതർ സ്ഥിരീകരണം നൽകി. കർണാടകയിലെ അൻകോള ജില്ലയിൽ വച്ചാണ് അപകടമുണ്ടായത്.
ഗോവയിൽനിന്നുള്ള ബിജെപി എംപിയാണ് 68 കാരനായ നായിക്. യെല്ലാപൂരിൽനിന്ന് ഗോകർണയിലേക്കുള്ള യാത്രക്കിടെയാണ് അപകടം സംഭവിച്ചത്. അപകടത്തിൽപ്പെട്ട ഇന്നോവാ കാർ പൂർണമായും തകർന്നിരുന്നു. ഗോവ മുഖ്യമന്ത്രി പ്രമോദ് സാവന്തുമായി നരേന്ദ്ര മോദി ഫോണിൽ ബന്ധപ്പെട്ട് വിവരങ്ങൾ തേടുകയും മെച്ചപ്പെട്ട ചികിൽസ ഉറപ്പാക്കണമെന്ന് നിർദേശിക്കുകയും ചെയ്തു.
Most Read: ഗാന്ധി വധത്തിന്റെ ആസൂത്രണം പഠിക്കാം; രാഷ്ട്ര പിതാവിന്റെ ഘാതകന്റെ പേരില് ലൈബ്രറി