തിരുവനന്തപുരം: അരി വിതരണം രാഷ്‌ട്രീയ പ്രചരണ ആയുധമാക്കുന്നതിന് പിന്നിൽ ഗൂഢലക്ഷ്യമെന്ന് കേന്ദ്രമന്ത്രി വി മുരളീധരൻ. കേരള സര്‍ക്കാരിന്റെ സംഭാവനയല്ല കിറ്റ്. നരേന്ദ്ര മോദി സര്‍ക്കാരിന്റെ സംഭാവനയാണതെന്നും മുരളീധരൻ പറഞ്ഞു.
കേന്ദ്ര പദ്ധതി ഗരീബ് കല്യാണ്‍ യോജന പ്രകാരമാണ് കിറ്റ് നല്‍കിയത്. എന്നാല്‍ അത് സംസ്‌ഥാനത്ത് പിണറായിയുടെ ചിത്രം വെച്ചാണ് വിതരണം ചെയ്‌തത്‌. കിറ്റിന്റെ പേരില്‍ ഇടതുമുന്നണി വോട്ടു തേടാനുള്ള ശ്രമം നടത്തുകയാണെന്നും മുരളീധരന്‍ വിമര്‍ശിച്ചു. നേരത്തെയും കിറ്റ് കേന്ദ്ര സർക്കാരിന്റെതാണ് എന്നുള്ള അവകാശവാദം മുരളീധരൻ ഉന്നയിച്ചിരുന്നു.
Also Read: ദുഃഖ വെള്ളി, ഈസ്‌റ്റര്‍ ദിനങ്ങളില്‍ സര്‍ക്കാര്‍ ട്രഷറികള്‍ക്ക് അവധിയില്ല
