തിരുവനന്തപുരം : കേരളത്തിൽ നിന്നുള്ള ആളുകൾക്ക് കർണാടകയിലേക്ക് പ്രവേശിക്കാൻ ഇനി മുതൽ വാക്സിൻ സർട്ടിഫിക്കറ്റ് ഹാജരാക്കിയാൽ മതിയാകും. ഇത് സംബന്ധിച്ച ഉത്തരവ് ഉടൻ പുറത്തിറങ്ങുമെന്നും അധികൃതർ വ്യക്തമാക്കി. ഒരു ഡോസ് വാക്സിൻ സ്വീകരിച്ചവർക്കും കോവിൻ പോർട്ടലിൽ നിന്നും ലഭിക്കുന്ന വാക്സിൻ സർട്ടിഫിക്കറ്റ് ഹാജരാക്കിയാൽ സംസ്ഥാനത്തേക്ക് പ്രവേശനം അനുവദിക്കുമെന്നാണ് കർണാടക വ്യക്തമാക്കിയത്.
കേരളത്തിൽ കോവിഡ് വ്യാപനം രൂക്ഷമായ സാഹചര്യത്തിൽ കോവിഡ് നെഗറ്റീവ് സർട്ടിഫിക്കറ്റ് ഹാജരാക്കുന്ന ആളുകൾക്ക് മാത്രമാണ് കർണാടകയിലേക്ക് പ്രവേശനം അനുവദിച്ചിരുന്നത്. എന്നാൽ നിയന്ത്രണങ്ങളിൽ ഉടൻ തന്നെ മാറ്റം വരുത്തുമെന്നും, ഇത് സംബന്ധിച്ച ഉത്തരവ് ഉടൻ പുറത്തിറങ്ങുമെന്നും അധികൃതർ അറിയിച്ചു.
Read also : യൂറോ കപ്പ്; പ്രീ ക്വാര്ട്ടറില് ഇന്ന് സ്പെയിന് ക്രൊയേഷ്യയെ നേരിടും