ന്യൂഡെൽഹി: കോവിഡ് വാക്‌സിനേഷനായി സ്ളോട്ടുകൾ ബുക്ക് ചെയ്യാൻ ഇനി മുതൽ വാട്‍സ്ആപ്പും ഉപയോഗിക്കാം. വാട്‍സ്ആപ്പ് വഴി സ്ളോട്ടുകൾ ബുക്ക് ചെയ്യാൻ സൗകര്യം ഒരുക്കിയതായി കേന്ദ്രസർക്കാർ വ്യക്‌തമാക്കിയിട്ടുണ്ട്‌. ഇതിലൂടെ സമ്പൂർണ വാക്‌സിനേഷൻ വേഗത്തിൽ പൂർത്തിയാക്കാൻ സാധിക്കുമെന്നാണ് കേന്ദ്രസർക്കാർ പ്രതീക്ഷിക്കുന്നത്.
ഈ വർഷം അവസാനത്തോടെ രാജ്യത്തെ എല്ലാ ആളുകൾക്കും വാക്‌സിൻ നൽകാനാണ് കേന്ദ്രം തീരുമാനിച്ചിരിക്കുന്നത്. ഈ സാഹചര്യത്തിൽ വാക്‌സിനേഷന് ആവശ്യമായ സ്ളോട്ടുകൾ ബുക്ക് ചെയ്യാൻ ജനങ്ങൾ ഏറ്റവും കൂടുതൽ ഉപയോഗിക്കുന്ന വാട്‍സ്ആപ്പ് മുഖേന സൗകര്യം ഒരുക്കുകയാണ് സർക്കാർ ലക്ഷ്യം. കേന്ദ്ര ആരോഗ്യ മന്ത്രി മൻസുഖ് മാണ്ഡവ്യയാണ് ഇക്കാര്യം വ്യക്‌തമാക്കിയത്‌.
വാട്‍സ്ആപ്പ് മുഖേന സൗകര്യം ഒരുക്കുമ്പോൾ മിനിട്ടുകൾക്ക് ഉള്ളിൽ തന്നെ വാക്‌സിനേഷൻ സ്ളോട്ടുകൾ ബുക്ക് ചെയ്യാൻ സാധിക്കുമെന്ന് മന്ത്രി വ്യക്‌തമാക്കി. രാജ്യത്ത് നേരത്തെ തന്നെ വാക്‌സിനേഷൻ സർട്ടിഫിക്കറ്റ് വാട്‍സ്ആപ്പ് വഴി ലഭ്യമാക്കുന്നതിനുള്ള സൗകര്യം ഒരുക്കിയിരുന്നു.
Read also: കൊല്ലത്ത് ലൈറ്റ് ആൻഡ് സൗണ്ട് ഉടമ ജീവനൊടുക്കി
