മലപ്പുറം: കുട്ടികൾക്കുള്ള കോവിഡ് വാക്സിനേഷൻ സംസ്ഥാനത്ത് നാളെ മുതൽ ആരംഭിക്കും. ഇതിനായി മലപ്പുറം ജില്ല പൂർണ സജ്ജമായതായി ജില്ലാ മെഡിക്കൽ ഓഫിസർ അറിയിച്ചു. 15 മുതൽ 18 വയസുവരെ പ്രായമുള്ളവർക്കാണ് വാക്സിൻ നൽകുന്നത്. രക്ഷിതാക്കൾക്കൊപ്പമാണ് കുട്ടികൾ എത്തേണ്ടത്. വാക്സിനേഷന് കോവിഡ് പോർട്ടലിൽ രജിസ്റ്റർ ചെയ്യണം.
രജിസ്റ്റർ ചെയ്യാൻ സാധിക്കാത്തവർക്ക് സ്പോർട് രജിസ്ട്രേഷൻ സൗകര്യവും ഉണ്ടാകുമെന്ന് ജില്ലാ മെഡിക്കൽ ഓഫിസർ ഡോ. ആർ രേണുക അറിയിച്ചു. ജില്ലയിൽ തിങ്കൾ, ചൊവ്വ, വെള്ളി, ശനി ദിവസങ്ങളിൽ ആയിരിക്കും കുട്ടികൾക്കുള്ള പ്രതിരോധ കുത്തിവെപ്പ് നൽകുക. വരും ദിവസങ്ങളിൽ കൂടുതൽ കേന്ദ്രങ്ങളിൽ വാക്സിനേഷൻ സൗകര്യം ഒരുക്കുമെന്നും ഡിഎംഒ അറിയിച്ചു.
നാളെ മുതൽ മലപ്പുറം താലൂക്ക് ആശുപത്രി, കോട്ടക്കൽ കുടുംബാരോഗ്യ കേന്ദ്രം, നിലമ്പൂർ ജില്ലാ ആശുപത്രി, എടവണ്ണ, ചുങ്കത്തറ സാമൂഹികാരോഗ്യ കേന്ദ്രം, മഞ്ചേരി ജനറൽ ആശുപത്രി, അരീക്കോട്, കൊണ്ടോട്ടി, കുറ്റിപ്പുറം, തിരൂരങ്ങാടി, പൊന്നാനി, വണ്ടൂർ താലൂക്ക് ആശുപത്രികൾ, മങ്കട, മാറഞ്ചേരി, മേലാറ്റൂർ, നെടുവ, ഓമാനൂർ, താനൂർ, വെട്ടം, വേങ്ങര, കാളികാവ് സാമൂഹികാരോഗ്യ കേന്ദ്രങ്ങൾ, തിരൂർ, പെരിന്തൽമണ്ണ ജില്ലാ ആശുപത്രികൾ എന്നിവിടങ്ങളിലാണ് വാക്സിനേഷൻ നടക്കുക.
Most Read: രാത്രി കർഫ്യൂ ഇന്ന് കൂടി; നിയന്ത്രണം തുടരാൻ സാധ്യത കുറവ്