തിരുവനന്തപുരം: ഒമൈക്രോൺ ബാധിതരുടെ എണ്ണം ഉയരുന്ന സാഹചര്യത്തിൽ നിയന്ത്രണങ്ങളുടെ ഭാഗമായി സംസ്‌ഥാനത്ത് ഏർപ്പെടുത്തിയ രാത്രി കർഫ്യൂ ഇന്ന് കൂടി തുടരും. രാത്രി 10 മണി മുതൽ പുലർച്ചെ 5 മണി വരെയാണ് നിയന്ത്രണം ഏർപ്പെടുത്തിയിട്ടുള്ളത്.
അതേസമയം നിലവിലെ സാഹചര്യത്തിൽ രാത്രി കർഫ്യൂ നീട്ടാൻ സാധ്യതയില്ലെന്നാണ് ഉന്നത വൃത്തങ്ങൾ വ്യക്‌തമാക്കുന്നത്‌. പുതുവൽസര ആഘോഷം പ്രമാണിച്ച് ആളുകളുടെ കൂട്ടം കൂടൽ ഒഴിവാക്കാൻ വേണ്ടിയാണ് പ്രധാനമായും ഇപ്പോൾ രാത്രി കർഫ്യൂ ഏർപ്പെടുത്തിയത്.
കോവിഡ് വ്യാപനം തുടരുന്ന സാഹചര്യത്തിൽ നിയന്ത്രണങ്ങൾ തുടരുന്ന കാര്യം സംബന്ധിച്ച് മുഖ്യമന്ത്രിയുടെ അധ്യക്ഷതയിൽ ചേരുന്ന കോവിഡ് അവലോകന യോഗത്തിൽ തീരുമാനമെടുക്കും.
Read also: മദ്യം ഒഴുക്കി കളയിച്ച സംഭവം; 3 പോലീസുകാർക്ക് എതിരെ വകുപ്പ് തല അന്വേഷണം
