ഹൈദരാബാദ്: ഒറ്റദിവസം 13 ലക്ഷത്തിലേറെ പേര്‍ക്ക് വാക്‌സിനേഷൻ നടത്തി റെക്കോർഡിട്ട് ആന്ധ്രാപ്രദേശ്. മുഖ്യമന്ത്രി വൈഎസ് ജഗൻ മോഹൻ റെഡ്‌ഡിയുടെ നിര്‍ദേശപ്രകാരം നടന്ന മെഗാ വാക്‌സിനേഷന്‍ യജ്‌ഞത്തിന്റെ ഭാഗമായാണ് ഇത്രയധികം പേര്‍ക്ക് വാക്‌സിന്‍ നല്‍കിയത്.
സംസ്‌ഥാനത്തെ 13 ജില്ലകളിലെ 2000 കേന്ദ്രങ്ങളിലായി രാവിലെ ആറ് മണി മുതലാണ് വാക്‌സിൻ വിതരണം ആരംഭിച്ചത്. 45 വയസിന് മുകളിലുള്ളവര്‍ക്കും അഞ്ച് വയസിന് താഴെയുള്ള കുട്ടികളുടെ അമ്മമാര്‍ക്കുമായിരുന്നു മുന്‍ഗണന.
നേരത്തെ ഒരു ദിവസം 6 ലക്ഷത്തിലധികം പേർക്ക് വാക്‌സിൻ നൽകി സംസ്‌ഥാനം റെക്കോർഡ് നേട്ടം സ്വന്തമാക്കിരുന്നു. വൈഎസ് ജഗൻ മോഹൻ റെഡ്‌ഡിയുടെ നേതൃത്വത്തിൽ വൈഎസ്ആർ കോൺഗ്രസാണ് സംസ്‌ഥാനം ഭരിക്കുന്നത്.
Read also: ബ്ളാക്ക് ഫംഗസിന് വ്യാജമരുന്ന്; ഡോക്‌ടർമാരടക്കം പത്തുപേർ അറസ്‌റ്റിൽ
